Sa indi madugay, ipahibalo sang Votkinskiy District Court of the Udmurtian Republic ang desisyon sini sa kaso ni Brother Sergey Gobozev kag ni Brother Mikhail Potapov. Wala pa sing may ginsiling ang piskal kon ano nga sentensia ang gusto niya sa sini nga kaso.

1. Enero 20, 2021

   Ginsugdan ang kaso nanday Sergey kag Mikhail. Gin-akusar sila nga nagaorganisar sang mga hilikuton sang isa ka extremist nga organisasyon

2. Enero 21, 2021

   Gin-raid ang apartment ni Sergey. Ginkumpiskar sang mga awtoridad ang iya personal nga mga gamit, pareho sang iya lisensia, mga dokumento sa iya salakyan, mga gadyet, photo album, kag sarisari nga mga translation sang Biblia. Gin-aresto sang mga awtoridad si Mikhail kag gin-raid ang iya balay

3. Enero 22, 2021

   Gin-house arrest si Sergey. Si Mikhail ginsaylo sa isa ka pasilidad para sa pretrial detention

4. Mayo 18, 2021

   Gintapos na ang pag-house arrest kay Sergey pero may mga restriksion gihapon ang iya pagbiyahe

5. Mayo 19, 2021

   Ginpagua si Mikhail sa pretrial detention pero may restriksion gihapon ang iya pagbiyahe

6. Oktubre 7, 2021

   Ginsugdan ang hearing

Nagasalig kita nga padayon nga suportahan ni Jehova sanday Sergey kag Mikhail samtang nagatinguha sila nga pabakuron ang ila pagtuo paagi sa pagtuon sa Biblia kag pagpangamuyo.—Colosas 2:6, 7.