MAYO 22, 2023
RUSSIA

“Normal Lang nga Mahadlok Pero Puede Ka Mangin Maisog”

I-PLAY

Sang Marso 24, 2023, ginpahibalo sang Zheleznodorozhny District Court of Krasnoyarsk ang desisyon sini sa kaso ni Sister Nataliya Voropaeva. Ginmultahan sia sing 360,000 ka rubles ($4,730 U.S.).

Impormasyon Parte sa Iya

Nataliya Voropaeva

Natawo: 1971 (Krasnoyarsk)

Biograpiya: Nagaobra sia bilang hairdresser

Ginpaligban niya kon ngaa kadamo sang nagaantos sa kalibutan, kon may Dios gid man. Ginpakita sa iya sang mga Saksi ni Jehova ang sabat sang Biblia sa iya mga pamangkot. Nabawtismuhan sia sang 1996

Ang Iya Ginsiling

Paano ka ginsuportahan sang mga kauturan?

Sa iya katapusan nga mensahe sa korte, si Brother Feliks Makhammadiyev nagsiling: “Kon wala ka sing abyan, daw pareho man nga wala sang silak sang adlaw.” Nagaugyon gid ako sa sini. Ang akon mga abyan daw pareho gid sa kasanag kag sa init. Sang gin-imbestigahan sang mga pulis ang akon kaso, natumba ako kag nabali ang akon tiil. Naka-cast ako sa sulod sang duha ka bulan pagkatapos sang operasyon. Ginbuligan ako sang mga kauturan sa akon pagbiyahe, pag-grocery, kag pagluto, kag ginhimo man nila ang tanan para palig-unon ako kag buligan sa pinansial. Sobra 100 ang nagkadto sang ginsentensiahan na ako. Nagapasalamat gid ako kay Jehova kay ginhatagan niya ako sang maayo nga mga abyan. Ang ila pagsuporta nagpahanumdom sa akon nga wala gid sang makapugong kay Jehova nga ipakita ang iya gugma sa akon.

Ano nga leksion ang natun-an mo sa sini nga eksperiensia?

Narealisar ko nga normal lang nga mahadlok pero puede ka mangin maisog kag makabatas. Kag nagadugang ang akon kaisog kay nahibaluan ko nga nalipay si Jehova sa akon. Samtang padayon ko nga ginapabakod ang akon relasyon kay Jehova kag ginabasa ang iya Pulong kada adlaw, nakita ko gid kon paano niya ako ginabuligan. Bangod sini, kumbinsido ako nga pirme gid ako buligan ni Jehova.

Pareho kay Nataliya, “makasiling kita nga may pagsalig: ‘Si Jehova ang akon manugbulig; indi ako magkahadlok.’”—Hebreo 13:6.

Time Line

Nobiembre 2017–Nobiembre 2020

Gin-surveillance sia kag gin-raid ang iya nga apartment. Gin-interogar sia bilang bahin sang imbestigasyon kay Brother Andrey Stupnikov
Septiembre 5, 2022

Ginsugdan ang kaso
Septiembre 6, 2022

Ginbutangan sing restriksion ang iya pagbiyahe
Oktubre 20, 2022

Ginkasuhan sia
Pebrero 27, 2023

Ginsugdan ang hearing
Marso 24, 2023

Ginmultahan sing 360,000 ka rubles ($4,730 U.S.)

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE