OKTUBRE 26, 2022
RUSSIA

“Paagi sa Bulig sang Dios Mabatas Ko ang Bisan Ano”

I-PLAY

Sa indi madugay, ipahibalo sang Asha City Court of the Chelyabinsk Region ang desisyon sini sa kaso ni Brother Andrey Perminov. Wala pa sing may ginsiling ang piskal kon ano nga sentensia ang gusto niya sa sini nga kaso.

Time Line

Hunyo 11, 2021

Gin-raid ang lima ka balay sang mga Saksi ni Jehova sa siudad sang Asha kag sa siudad sang Minyar, lakip na ang balay ni Andrey. Ginkompiskar sang mga awtoridad ang ila mga pagkabutang
Nobiembre 10, 2021

Ginbutangan sang restriksion ang iya pagbiyahe
Abril 27, 2022

Gin-akusar sia nga nagaentra sa isa ka extremist nga organisasyon kag gindugang ang iya ngalan sa listahan sang mga terorista
Hunyo 6, 2022

Ginsugdan ang hearing

Impormasyon Parte sa Iya

Andrey Perminov

Natawo: 1972 (Asha)

Biograpiya: Mapagsik sia sang bata pa sia, pero sang ulihi nagmasakit sia kag kinahanglan niya mag-wheelchair. Pagkatapos niya eskwela, nag-obra sia bilang accountant sa isa ka asosasyon sang mga dis-ebol. Nagaobra sia subong bilang computer programmer kag website administrator

Sang bata pa sia, ginapaligban na niya kon ano ang katuyuan sang kabuhi. Nagtuon sia upod sa mga Saksi ni Jehova sang 1995. Nabawtismuhan sia sang 1999. Napangasawa niya si Natalya sang 2015

Ang Iya Ginsiling

Ano nga mga halimbawa sa Biblia ang nagpalig-on sa imo?

Sining karon lang, gintawgan ako sang imbestigador kag ginsilingan nga kasuhan ako sang krimen. Sang nabatian ko ini nabalaka gid ako kag naglalain. Pero sina man nga adlaw, ginbasa namon sang akon asawa ang parte kay David sang ginsalakay sang mga Amaleknon ang siudad sang Ziklag kag ginbihag ang tanan. Sina nga tion, “naghibi sing mabaskog si David . . . tubtob wala na [sia] sing ihibi.” Bisan pa “masubo gid si David, . . . ginpabakod [niya] ang iya kaugalingon paagi sa bulig ni Jehova nga iya Dios.” (1 Samuel 30:4, 6) Ang halimbawa ni David nagpahanumdom sa akon nga paagi sa bulig sang Dios mabatas ko ang bisan ano. Bisan ano man ang madula sa aton, bisan pa ang aton kalinong sa hunahuna ukon bisan pa maguba ang aton reputasyon, ang aton Amay magabulig sa aton.

Pareho kay Andrey, ang rekord sang pagbulig ni Jehova sa matutom niya nga mga katawhan sadto nagapalig-on man sa aton. Nagasalig gid kita sa promisa sang Dios: “Subong sang akon ginhimo, dalhon kag pas-anon ko kamo kag luwason.”—Isaias 46:4.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE