OKTUBRE 18, 2024
RUSSIA

“Padyaan Gid Ako ni Jehova”

I-PLAY

Sa indi madugay, ipahibalo sang Vyselkovskiy District Court of the Krasnodar Territory ang desisyon sini sa kaso ni Sister Vasilina Penskaya. Wala pa sang may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Vasilina Penskaya

Natawo: 1997 (Vyselki)

Biograpiya: Nagaobra sia bilang manughimo sang mga dessert pareho sang cake, cookies, kag iban pa

Nakilala ni Vasilina ang mga Saksi ni Jehova paagi sa iya nanay. Nanamian sia sang natun-an niya ang laygay sang Biblia parte sa kon paano mangita sang maayo nga abyan. Nabawtismuhan sia sang 2014

Napamana niya si Dmitry sang 2018

Ang nanay ni Vasilina nga si Sister Yelena Rumyantseva gina-hearing man sa lain nga kaso nga ginpasaka sa iya

Ang Iya Ginsiling

Ano ang nakabulig sa imo para indi magluya ang imo pagtuo?

Kon ginahingabot ka, natural lang nga magbatyag ka nga nagaisahanon. Pamatyag mo daw indi mo masarangan ang imo sitwasyon kay daw wala ka sing mahimo. Nabal-an ko nga kon amo lang sini ang akon pensaron, maluyahan gid ako kag maapektuhan ang akon pag-alagad kay Jehova. Pero may natun-an ako parte kay Jehova nga nakabulig sa akon nga indi mag-untat. Kag naeksperiensiahan ko gid ini. Kay man, ginaapresyar ni Jehova ang akon ginahimo para maalagad sia. Nakita niya ang akon mga pagpanikasog kag ginaapresyar gid niya ini bisan pa indi niya ini kinahanglan himuon. Ginapamatian niya ang akon mga pangamuyo kag kon ginabasa ko ang iya Pulong nagakaumpawan gid ako nga daw ginapahiran niya ang akon mga luha. Kon nahadlok ako, ginaproteksionan niya ako kag ginapabakod paagi sa suporta sang mga kauturan. Ginahatagan niya man ako sang kusog kon kinahanglan ko ini para mapangapinan ang iya ngalan. Madamo sa mga alagad ni Jehova ang ginahingabot sa eskwelahan, sa ulubrahan, ukon bisan sa ila balay. Nagasalig ako nga padyaan gid ako ni Jehova pati ang tanan nga nagapabilin man nga matutom.

Nagapasalamat gid kita nga ginatan-aw ni Jehova ang kada isa sa iya mga alagad nga ginahingabot kag ginapasalig sila nga ‘padyaan niya ang ila ginahimo.’—Jeremias 31:16.

Time Line

Pebrero 13, 2022

Gin-raid ang iya balay
Mayo 23, 2023

Ginsugdan ang kaso. Gin-akusahan sia nga nagaistorya parte sa Biblia kag nagapartisipar sa wala sing gamo nga mga miting sang mga Saksi ni Jehova. Indi na niya matandog ang iya kuarta sa banko
Hulyo 18, 2023

Ginbutangan sing restriksion ang iya pagbiyahe
Enero 31, 2024

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE