OKTUBRE 18, 2022
RUSSIA

“Proud Gid Ako nga Tawgon sa Ngalan ni Jehova”

I-PLAY

Sang Oktubre 10, 2022, nagdesisyon ang Kezhemskiy District Court of the Krasnoyarsk Territory nga guilty si Brother Ildar Urazbakhtin. Ginsentensiahan sia sang tatlo ka tuig nga suspended prison. Indi niya kinahanglan nga mapriso sa sini nga tion.

Time Line

Hulyo 20, 2021

Mga lima ka balay sang mga Saksi ni Jehova ang gin-raid sa siudad sang Kodinsk, pati ang balay ni Ildar kag sang iya pamilya. Ginbutang sia sa temporary detention facility
Hulyo 21, 2021

Ginpagua sia pero gin-house arrest gihapon. Gindumilian sia nga maggamit sang telepono ukon sang Internet
Septiembre 20, 2021

Gintapos ang pag-house arrest sa iya pero ginbutangan sing restriksion ang iya pagbiyahe
Enero 13, 2022

Ginkasuhan sia nga nagahiwat sang mga miting paagi sa video conference, kon sa diin “ginapalig-on niya ang mga kauturan nga tun-an sing maid-id ang Biblia kag suportahan ang isa kag isa”
Marso 30, 2022

Ginsugdan ang hearing

Impormasyon Parte sa Iya

Ildar Urazbakhtin

Natawo: 1963 (Bratsk, Irkutsk Region)

Biograpiya: Nag-eskwela sia sang electrical engineering. Nagaobra sia bilang industrial safety inspector

Napangasawa niya si Gulnora sang 1987. Nangamuyo sia sa Dios nga buligan sia nga makita ang kahulugan sang kabuhi. Nakilala niya ang mga Saksi ni Jehova kag nagsugod sa pagtuon sa Biblia upod sa ila. Nabawtismuhan sia sang 1999. Nabawtismuhan si Gulnora sang 2006

May isa sila ka bata nga lalaki, isa ka bata nga babayi, kag tatlo ka apo nga babayi

Ang Iya Ginsiling

Paano ka ginpabakod ni Jehova sang ara ka sa detention center?

Sang ginbutang nila ako sa detention facility, indi ’ko kabalo sang akon himuon ukon kon ano ang matabo sa akon. Nagdayaw gid ako sa paagi ni Jehova sa pagpabakod sa akon. May isa ka guardia nga nagpalapit sa bintana sang akon selda kag namangkot: “Gusto mo dal-an ta ka sang balasahon?” Siling ko: “May Biblia ka?” Gani, gindal-an niya ako sang Biblia kag sa sulod sang pila ka oras nag-enjoy gid ako sa pagbasa sang akon paborito nga mga istorya sa Biblia. Pagkatapos sina, nabal-an pa gid sang isa ka guardia nga nagapati ako sa Dios, gani kadamo sang pamangkot niya sa akon. Pila ka oras kami nga nag-istoryahanay. Nagpalig-on gid ini sa akon.

Ano ang nakabulig sa imo nga padayon nga mangin maisog?

Ang Hulubaton 28:1 nagasiling: “Ang malauton nagapalagyo bisan wala sing nagalagas sa iya, apang ang matarong maisog kaangay sang leon.” Bangod nahibaluan ko nga indi man ako isa ka kriminal, matulok ko sing diretso ang mga nagahingabot sa akon kag wala ako nahuya. Proud gid ako nga tawgon sa ngalan ni Jehova! Ang paghingabot nga naagyan namon sa Russia nagpabakod pa gid sa amon. Tuod gid ang ginsiling ni Jehova nga tapuson niya ang aton paghanas kag pabaskugon niya kita.—1 Pedro 5:10.

Ang eksperiensia ni Ildar kag sang iban pa nga mga kauturan sa Russia nagapahanumdom sa aton nga ang aton Dios nga si Jehova handa gid “magbulig sa tion sang kalisdanan.”—Salmo 46:1.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE