AGOSTO 20, 2020
RUSSIA
Sanday Brother Britvin kag Brother Levchuk Mahimo Prisuhon sing Anom ka Tuig kag Tunga sa Russia
San-o Ipahibalo ang Desisyon
Septiembre 2, 2020, * sa Berezovsky City Court sang Kemerovo Region
Posible nga Sentensia
Anom ka tuig kag tunga nga pagkapriso
Impormasyon Parte sa Ila
Sergey Britvin
Natawo: 1965 (Kemerovo Region)
Biograpiya: Sa sulod sang malawig nga tinuig nag-obra sia bilang crane operator kag drayber sang trak. Pero temprano sia nagretiro bangod sang iya mga ginabatyag sa lawas. Mahilig sia sa sports
Sang 1992, ginpangasawa niya si Natalya. Nagtuon sia sa Biblia sang 1995 sang mabal-an niya ang promisa sang Dios parte sa pagkabanhaw. Pagligad sang pila ka tuig, nagtuon man sa Biblia si Natalya. Nagdayaw gid sia sa pagtuo ni Sergey kag kon paano ini nagpahulag sa iya bana nga magbag-o
Vadim Levchuk
Natawo: 1972 (Kemerovo Region)
Biograpiya: Nagdaku sia sa indi relihioso nga pamilya. Nag-obra bilang minero sa sulod sang 14 ka tuig
Sang 1992, nagtuon sia sa Biblia. Ginpangasawa niya si Tatiana sang 1997. May duha sila ka bata nga lalaki. Ginarespeto gid sang ila pamilya ang Biblia. Mahilig man sila sa sports kag sa paglagawlagaw
Ang Ila Kaso
Sang Hulyo 22, 2018, gin-raid sang mga agent sang Federal Security Service (FSB) ang walo ka balay sang aton kauturan sa siudad sang Berezovsky. Bilang resulta, sanday Brother Britvin kag Brother Levchuk gin-aresto kag gin-interogar. Pagkatapos sina, nagmando ang Central District Court sang Kemerovo nga prisuhon ining duha ka brother bisan wala pa mabista. Halos duha ka tuig sila nga nagtener sa detention center. Sang Disiembre 25, 2019, gin-house arrest sila, kag asta subong naka-house arrest sila gihapon.
Si Brother Britvin kag Brother Levchuk amo ang duha sa lima ka brother sa Kemerovo Region nga ginpasakaan sing mga kaso kriminal bangod sa ila pagtuo. Ginadumdom gid naton kag ginalakip sa aton mga pangamuyo ang aton mga kauturan nga napriso sa Russia. Suno gid ini sa Hebreo 13:3 nga nagapahanumdom sa aton: “Dumduma ninyo ang mga yara sa bilangguan, nga daw subong nga nabilanggo man kamo upod sa ila, kag ang mga ginapintasan, sanglit kamo pareho man sa ila nga yara sa undanon nga lawas.”
^ par. 3 Puede magbag-o ang petsa