Sang Pebrero 4, 2020, ginsentensiahan nga guilty sang Zheleznodorozhniy Court sang Khabarovsk sanday Brother Stanislav Kim kag Brother Nikolay Polevodov, kag ginsilutan sang duha ka tuig nga suspended prison sentence. Bisan pa nga indi sila mapriso, napaidalom sila sa probation. Iapelar nila ang pamatbat sa ila. May isa pa ka kaso kriminal nga ginpasaka kontra sa ila nga ginabista sa Industrial District Court sa amo man nga siudad. Wala pa sing petsa kon san-o ipahibalo ang desisyon sang korte.