Sang Agosto 9, 2024, ginpagua si Brother Aleksandr Parkov sa prisuhan sa Russia. Gindesisyunan sia nga guilty kag ginsentensiahan sang anom ka tuig kag tunga nga pagkapriso sang Hulyo 29, 2021. Bangod napriso na sia antes pa sia nasentensiahan, nagdesisyon ang korte nga natapos na niya ang iya sentensia.

Sa kabilugan, sobra lima ka tuig nga naglayuay si Aleksandr kag ang iya asawa nga si Sister Galina Parkova. Sa sina nga tion, gindesisyunan man nga guilty si Galina sa lain nga kaso kag ginsentensiahan sing duha ka tuig kag tatlo ka bulan nga suspended prison. Kag bangod gina-hearing sia, nadulaan sia sang obra.

Samtang ara sa prisuhan si Aleksandr, ginpasugtan sia nga makakomunikar sa iya asawa paagi sa telepono kag mga sulat. Nadumduman ni Galina kon paano sia ginpalig-on ni Aleksandr nga mabatas ang mga kabudlayan. Si Galina nagsiling: “Pirme niya ginapadumdom sa akon nga basta kaupod namon si Jehova, indi kami dapat mahadlok.”

Nagasalig kita nga pakamaayuhon ni Jehova si Aleksandr kag si Galina kay updanay na sila liwat kag padayon nga magaalagad sa Iya. Padayon man kita nga “mangin handa pirme sa pagpangamuyo” para sa tanan nga ara sa prisuhan bangod sa ila pagtuo.—1 Pedro 4:7.