SEPTIEMBRE 12, 2022
RUSSIA

Si Aleksandr Shutov Padayon nga Nagasalig sa Giya ni Jehova

I-PLAY

Sa indi madugay, ipahibalo sang Lazo District Court of the Khabarovsk Territory ang desisyon sini sa kaso ni Brother Aleksandr Shutov. Wala pa sing may ginsiling ang piskal kon ano nga sentensia ang gusto niya sa sini nga kaso.

Time Line

Hulyo 26, 2021

Ginsugdan ang kaso
Hulyo 30, 2021

Gin-raid ang balay ni Aleksandr. Gin-aresto sia, gin-interogar, kag ginpagua pero indi sia puede makabiyahe sa iban nga lugar
Agosto 3, 2021

Gindugang sia sa listahan sang mga extremist sa Russia
Abril 28, 2022

Ginsugdan ang hearing

Impormasyon Parte sa Iya

Aleksandr Shutov

Natawo: 1952 (Pionerskiy, Irkutsk Region)

Biograpiya: Nagapanguma sia halin sang 15 anyos pa lang sia. Retirado na sia subong

Napangasawa niya si Rosa sang 1973. May 4 sila ka kabataan, 11 ka apo, kag 3 ka apo sa tuhod

Natun-an sang iya iloy ang kamatuoran sa mga Saksi ni Jehova nga gintapok sa Siberia. Nabawtismuhan sia sang 1975. Ginsentensiahan sia sang isa ka tuig nga pagkapriso sang 1976 sang nangindi sia nga magsoldado

Ang Iya Ginsiling

Ano ang isa ka leksion nga natun-an mo sang una ka nga ginpriso sang 1976?

Nadumduman ko ang isa ko ka eksperiensia. Samtang nagabiyahe pakadto sa prisuhan, ang isa ka officer sang KGB nagsiling: “Malayo ang aton biyahe; OK lang kon mag-istorya ta kadali?” Pagkatapos ko masabat ang tanan niya nga mga pamangkot, nagsiling sia: “Makita ko nga kalmado ka lang. Daw wala kita nagapakadto sa prisuhan, daw mapuli ka lang sa inyo balay.” Natun-an ko nga kon magsalig ka kay Jehova nga may bug-os nga pagtuo kag mangayo sing bulig sa iya, mangin kalmado ka gid. Daw pareho lang nga wala sing malain nga nagakatabo sa akon. Sa sitwasyon ko subong, dapat ako padayon nga magsalig kay Jehova kag magpagiya sa iya.

Samtang padayon nga nagabudlay ang mga paghingabot, kabay pa nga pabakuron pa gid naton ang aton pagtuo subong kag ‘magsalig sa mainunungon nga gugma sang Dios sa wala sing katubtuban.’—Salmo 52:8.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE