Sang Pebrero 10, 2021, nagdesisyon ang Abinskiy District Court of the Krasnodar Territory nga guilty ang 63 anyos nga si Brother Aleksandr Ivshin. Ginsentensiahan sia nga mapriso sing pito ka tuig kag tunga. Amo ini ang pinakamalawig nga sentensia para sa isa sa mga Saksi ni Jehova sugod sang gin-ban ang organisasyon sang 2017.

Sugod sang Abril 23, 2020, ginpasakaan sing kaso kriminal si Brother Ivshin. Lakip sa iya mga “krimen” ang pag-organisar sang relihioso nga pagtilipon paagi sa videoconference kag pagkanta sang mga Kingdom song. Sa iya katapusan nga mensahe sa korte, ginpaathag niya sing maayo nga base sa Kasulatan ang iya mga panindugan. Nagsiling sia: “Honorable court, ang akon paagi sa pagkabuhi nabase sa mga prinsipio sa Biblia, kag wala ginatudlo sini nga mga prinsipio ang extremism ukon pagdumot.”