AGOSTO 30, 2024
RUSSIA

Si Brother Aleksandr Salnikov Ginhatagan sang Anom Ka Tuig nga Suspended Prison Sentence

I-PLAY

Sang Agosto 22, 2024, ang Ordzhonikidzevskiy District Court of Magnitogorsk in the Chelyabinsk Region nagdesisyon nga guilty si Brother Aleksandr Salnikov kag ginhatagan sia sang anom ka tuig nga suspended prison sentence. Indi niya kinahanglan nga mapriso sa sini nga tion.

Impormasyon Parte sa Iya

Aleksandr Salnikov

Natawo: 1961 (Magnitogorsk)

Biograpiya: Nag-obra sia bilang foreman sang isa ka grupo sang mga naga-operate sang makina sa isa ka utility company antes sia nag-retire

Napangasawa niya si Nelly sang 1985. May isa sila ka bata nga lalaki kag isa ka bata nga babayi

Madamo sing pamangkot si Aleksandr, kag lakip sa sini kon sin-o ang naghimo sang mga kasuguan sa kinaugali. Nalipay gid sia nga makatuon parte sa Manunuga. Si Aleksandr kag si Nelly nabawtismuhan bilang mga Saksi ni Jehova sang 2000

Ang Iya Ginsiling

Ano ang maayo nga epekto kay wala ka nag-untat sa pag-alagad kay Jehova bisan pa sa mga kabudlayan?

Sang nabaton ko ang tanan nga impormasyon parte sa kaso sang nag-umpisa ang pag-hearing sa akon, nabalaka gid ako kag na-depress. Malain gid ang epekto sang sobra nga kabalaka sa emosyon, panglawas, kag sa relasyon sang isa kay Jehova. Mabudlay gid kon matabo ini sa imo. Dayon may isa ka brother nga nagsiling sa akon nga kon magpadala ako sa kaluya sang buot malipay gid si Satanas. Pero kon mangin matutom gid kita pirme, malipay si Jehova. Natun-an ko nga kinahanglan ko kontrolon ang akon emosyon. Ginbuligan ako ni Jehova nga mahimo ina. Subong, wala na ako nagapokus sa akon sitwasyon kag mas determinado ako nga magpabilin nga matutom kag mainunungon kay Jehova. Kabalo ako nga buligan kag pabakuron gid niya ako.

Nagapasalamat kita nga mabal-an nga pirme gid kita buligan sang aton maalwan nga Dios para matun-an pa gid naton ang mga kinaiya nga kinahanglan naton para mabatas ang bisan ano nga kabudlayan.—Galacia 5:22, 23.

Time Line

Abril 18, 2023

Ginsugdan ang kaso. Ginkasuhan nga nagaorganisar sang mga miting paagi sa videoconference
Abril 20, 2023

Gin-raid ang pila ka balay sa Magnitogorsk, pati ang balay ni Aleksandr. Gin-detain si Aleksandr kag ginbutang sa isa ka temporary detention facility
Abril 22, 2023

Ginpagua sia sa temporary detention pero ginbutangan sang restriksion ang iya pagbiyahe
Mayo 14, 2024

Ginsugdan ang hearing
Agosto 22, 2024

Gindesisyunan nga guilty kag ginhatagan sang anom ka tuig nga suspended prison sentence

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE