NOBIEMBRE 9, 2022
RUSSIA

Si Brother Andrey Danielyan Ginsentensiahan sing Anom ka Tuig nga Pagkapriso

I-PLAY

Sang Nobiembre 7, 2022, ang Rubtsovskiy City Court of the Altai Territory nagdesisyon nga guilty si Brother Andrey Danielyan kag ginsentensiahan sia sing anom ka tuig nga pagkapriso. Ginpriso sia gilayon.

Time Line

Mayo 25, 2021

Ginsugdan ang kaso pagkatapos sang binulan nga pag-wiretap kag pag-surveillance sang mga hilikuton ni Andrey
Mayo 26, 2021

Gin-raid ang iya apartment. Gin-detain kag gin-interogar si Andrey kag ang iya asawa. Ginbutangan sang restriksion ang pagbiyahe ni Andrey
Hulyo 13, 2022

Ginkasuhan sia nga nagaorganisar sang mga hilikuton sang isa ka extremist nga organisasyon
Septiembre 5, 2022

Ginsugdan ang hearing
Nobiembre 7, 2022

Ginsentensiahan sing anom ka tuig nga pagkapriso

Impormasyon Parte sa Iya

Andrey Danielyan

Natawo: 1969 (Aleysk, Altai Territory)

Biograpiya: Nag-obra sia bilang janitor sa isa ka eskwelahan

Nalipay sia sang nabal-an niya nga kay-uhon sang Dios ang halit nga ginhimo sang mga tawo sa duta. Nabawtismuhan sia bilang isa sa mga Saksi ni Jehova sang 1992

Napangasawa niya si Nina sang 1997

Ang Iya Ginsiling

Ano ang nakabulig sa imo para padayon ka nga mangin matutom? a

Mabudlay gid ang kabuhi subong, kag posible magalala pa gid ini sa palaabuton. Gusto ko nga makabatas, pero dapat may himuon ako. Ang isa ka atleta nga gusto magdaug sa isa ka kompetisyon, nagahanda sing abanse kag nagapraktis sing maayo. Subong na ang tion nga usisaon ko ang akon relasyon kay Jehova para padayon ako nga mangin matutom kon hingabuton ako sa ulihi. Bangod sina ginapanikasugan ko nga padayon nga pabakuron ang akon pagsalig kay Jehova, kag nagapangabay nga buligan niya ako nga mangin maisog, mapinasensiahon, kag mabakod. Si apostol Pablo nagsiling sa 1 Timoteo 4:8: “Kay ang paghanas sa pisikal may diutay nga kapuslanan, apang ang diosnon nga debosyon mapuslanon sa tanan nga butang, kay nagasaad ini sang kabuhi karon kag sang kabuhi sa palaabuton.”

Nagapasalamat gid kita sa maayo nga halimbawa ni Andrey kag sang iban pa naton nga mga kauturan nga determinado nga pabakuron ang ila diosnon nga debosyon samtang ginahulat naton ang ‘saad nga kabuhi sa palaabuton.’—1 Timoteo 4:8.

a Nainterbyu si Brother Danielyan antes sia ginsentensiahan.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE