AGOSTO 3, 2021
RUSSIA

Si Brother Andrey Okhrimchuk Nagasalig sa Kusog Halin kay Jehova

I-PLAY

UPDATE | Sang Pebrero 3, 2022, ginbasura sang Fourth General Jurisdiction Court of Cassation ang reklamo ni Brother Andrey Okhrimchuk. Padayon ang iya sentensia nga apat ka tuig nga suspended sentence. Indi niya kinahanglan nga mapriso sa sini nga tion.

Time Line

Mayo 22, 2019

Gin-raid sang mga security official nga may tabon sa guya ang balay kag salakyan ni Andrey sang isa ka kaagahon
Oktubre 29, 2020

Ginpasakaan sia sang kaso. Gin-akusar sia nga nagaentra sa ilegal nga relihioso nga mga miting kag nagasuporta sa mga hilikuton sang isa ka extremist nga organisasyon
Abril 5, 2021

Ginsugdan ang hearing
Agosto 2, 2021

Ang Leninskiy District Court of Rostov-on-Don nagdesisyon nga guilty si Andrey. Ginsentensiahan sia sang korte sing apat ka tuig nga suspended prison
Oktubre 4, 2021

Gin-deny sang Rostov Regional Court ang pag-apelar ni Andrey. Ipatuman gihapon ang una nga sentensia sa iya

Impormasyon Parte sa Iya

Andrey Okhrimchuk

Natawo: 1979 (Korosten, Ukraine)

Biograpiya: Nag-eskwela sia para mangin isa ka mechanical engineer. Nagserbisyo sia bilang soldado antes nangin isa sa mga Saksi ni Jehova

Napangasawa niya si Yekaterina sang 2006. Nagdayaw gid sila nga mag-asawa sa detalyado nga pagkatuman sang mga tagna sa Biblia. Nabawtismuhan sila sang 2007. May isa sila ka bata nga babayi

Ang Iya Ginsiling

Paano mas nga nagbakod ang imo relasyon kay Jehova bangod sa sining mga kabudlayan nga imo naeksperiensiahan?

Nagapati ako nga indi ko gid mabatas ining tanan nga pagtilaw kon wala ako ginbuligan ni Jehova. Pirme gid ako nagapangamuyo subong. Ginasugid ko kay Jehova ang akon mga kabalaka, kag nagapangayo man ako sing dugang nga pagtuo kag kaisog para indi ako mahadlok sa bisan ano nga matabo ukon kay bisan sin-o. Nabatyagan ko gid nga ginapamatian ako ni Jehova kag kontrolado niya ang tanan nga butang.

Ano ang nakabulig sa imo nga padayon nga mangin matutom kay Jehova bisan pa sining mga kabudlayan nga imo naeksperiensiahan?

Ginadumdom ko ang ginasiling sang Juan 6:67, 68. Sa sini nga teksto, ginpamangkot ni Jesus ang iya mga apostoles kon bala gusto man nila sia biyaan. Si Pedro nagsabat: ‘Kay sin-o kami makadto?’ Pareho man ako kay Pedro. Kay sin-o pa ako makadto? Ang Pulong lamang ni Jehova ang may pinamulong sang kabuhi nga wala sing katapusan, kag sia lamang ang makahatag sang matuod gid nga hustisya. Ang Isaias 30:15 nakabulig man sa akon. Kay sa mabudlay nga mga sitwasyon nga wala gid ako sing mahimo, ini nga teksto nakabulig sa akon nga mangin kalmado lang kag magsalig kay Jehova.

Ano ang masiling mo nga makabulig sa iban nga makahanda engkaso nga hingabuton man sila?

Indi magsalig sa imo kaugalingon nga kusog, kundi pangabaya si Jehova nga hatagan ka sing dugang nga pagtuo kag dugang nga kaisog. Pabakura ang imo kaangtanan sa mga kauturan, para may masugiran ka sang imo mga kabalaka kon magbudlay ang sitwasyon.

Maayo gid nga halimbawa para sa aton ang mabakod nga pagtuo nga ginpakita sang aton mga kauturan sa Russia. Kabalo kita nga masarangan ni Andrey kag sang iya pamilya ini nga kabudlayan bangod padayon sila nga nagasalig sing bug-os sa aton Amay sa langit nga si Jehova.—Salmo 37:5.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE