Sang Hulyo 11, 2020, ginbalik sang mga awtoridad sang prisuhan sa Lgov si Brother Dennis Christensen sa regular nga selda. Kinse ka adlaw sia nga ginbutang sa selda nga para sa mga priso nga ginasilutan. Suno sa nareport na, ginsilutan sia bangod sa sayop nga mga panumbungon. Ara na si Brother Christensen sa regular nga selda kag positibo gihapon sia. Iapelar sang mga abogado ni Brother Christensen ang bag-o nga mga kaso batok sa iya, kag nagalaum sila nga indi ini makaapekto sa iya pangabay nga makagua sa prisuhan sing temprano.