Sang Oktubre 25, 2024, si Brother Roman Mareyev ginpagua sa prisuhan. Gindesisyunan sia nga guilty kag ginsentensiahan sang apat ka tuig kag anom ka bulan nga pagkapriso sang Hulyo 12, 2023. Bangod halos duha na sia ka tuig nga ara sa pretrial detention, nakompleto na niya ang iya sentensia.

Sang gina-hearing si Roman sa korte, ginsugid niya kon ano ang nakabulig sa iya nga makabatas: “Ang matuod nga kalipay wala nagadepende sa kon ano ang akon sitwasyon. Malipayon ako kay kumbinsido ako nga ginahimo ko ang insakto kag nalipay ang Dios sa akon ginahimo kag mga panikasog nga sundon sia. Ngaa kumbinsido gid ako sa sini? Ang Roma 15:13 nagasiling: ‘Kabay pa nga ang Dios nga nagahatag sing paglaum maghatag sa inyo sing kalipay kag paghidait bangod sang inyo pagtuo sa iya, agod mapabakod pa ang inyo paglaum paagi sa gahom sang balaan nga espiritu.’ Nalipay gid ako kag nakabatyag sang kalinong bisan pa may mga inhustisya ako nga naeksperiensiahan. Posible lang ini tanan bangod sa espiritu sang Dios kag sa iya pagpakamaayo.”

Nalipay gid kita kay updanay na si Roman kag ang iya pamilya kag naumpawan kita kay nabal-an naton nga ginapadyaan gid ni Jehova ang aton mga panikasog nga magpabilin nga matutom sa iya.—2 Cronica 15:7.