Sang Disiembre 16, 2020, ginsentensiahan sang Leninskiy District Court sang Novosibirsk si Brother Yuriy Savelyev nga mapriso sing anom ka tuig. Ang aton pinalangga nga brother, nga si Yuriy, nagapadayon nga matutom kag nabuligan sia sang iya pagtuon parte sa mga tagna sa Biblia nga mangin maisog.

Sa iya katapusan nga mensahe sa korte sang Disiembre 9, may kaisog nga gingamit ni Yuriy ang kahigayunan para makapanaksi. Nagsiling sia sa tanan nga tumalambong: “Ang tagna nga ginsiling ni Jesucristo makita gid ninyo nga nagakatuman subong. Nasulat ini sa Balaan nga Kasulatan, ang Biblia, sa Marcos 13:9, nga nagasiling: ‘Gani, mag-andam kamo. Dalhon kamo sang mga tawo sa mga hukmanan, kag bunalon kamo sa mga sinagoga kag magatindog kamo sa atubangan sang mga gobernador kag mga hari tungod sa akon, agod makapanaksi kamo sa ila.’”