Sa indi madugay, ipahibalo sang Leninskiy District Court of Rostov-on-Don ang desisyon sini sa kaso ni Sister Galina Parkova. a Kon ideklarar sang korte nga guilty sia, gusto sang mga nagasumbong sa iya nga sentensiahan sia sang tatlo ka tuig nga suspended prison sentence.

Galina Parkova

• Natawo: 1970 (Kaltan)

• Biograpiya: Sang 1990, napamana ni Galina si Aleksandr. May tatlo sila ka bata nga babayi kag duha ka apo. Nagtuon sila sing Biblia upod sa mga Saksi ni Jehova. Ginbawtismuhan sia sang 1995. Mahilig sia magkanta kag magdrowing

Sang Hunyo 6, 2019, ginpasakaan sang mga awtoridad sing kaso kriminal si Galina. Mga pila ka semana antes sini, ang iya bana nga si Aleksandr gin-aresto kag ginbutang sa pretrial detention.

Bangod ara sa pretrial detention ang iya bana, mabudlay gid para kay Galina ang magpangita sing kuarta para sa iya mga kinahanglanon. Dugang pa, gin-suspended sang mga awtoridad ang iya card sa banko, gani indi niya makuha ang iya kuarta pati ang iya sueldo. Bangod indi niya makuha ang iya sueldo, kinahanglan niya magpangita sing lain nga obra. Subong, nagabaton sia sing temporaryo nga mga obra nga ang sueldo wala na nagaagi sa banko para masuportahan niya ang iya kaugalingon.

Ang aton mga kauturan sa Russia mga tawo nga “matarong nga ginatratar subong nga daw nakahimo sila sing kalautan.” (Manugwali 8:14) Pero ang ila halimbawa sang katutom padayon nga nagapalig-on sa aton nga magpabilin nga mabakod bisan ano man nga pagtilaw ang aton maatubang sa ulihi.