Sang Oktubre 4, 2024, si Sister Nataliya Sharapova ginpagua sa prisuhan sa Russia. Gindesisyunan sia nga guilty kag ginsentensiahan sang tatlo ka tuig nga pagkapriso sang Hulyo 10, 2024. Bangod halos duha ka tuig na sia nga ara sa pretrial detention antes pa sia nasentensiahan, nakompleto na niya ang iya sentensia.

Sang gina-hearing si Nataliya sa korte, nagsiling sia: “Madamo nga kauturan ang nagapalangga sa akon. Amo gid sini ang gintudlo ni Jesus: ‘Paagi sini mahibaluan sang tanan nga mga disipulo ko kamo, kon nagahigugmaanay kamo.’ (Juan 13:35) Halin sang una asta subong, gugma gid ang rason kon ngaa ginahimo ko ini tanan.”

Subong, updanay na liwat si Nataliya kag ang iya pamilya. Nagasalig gid kita nga padayon nga ipakita ni Jehova ang iya “mainunungon nga gugma” kay Nataliya kag sa tanan Niya nga matutom nga mga alagad.—Salmo 59:16, 17.