ENERO 30, 2024
RUSSIA

Si Sister Sona Olopova Ginsentensiahan sing Duha ka Tuig nga Forced Labor sa Isa ka Correctional Facility

I-PLAY

Sang Enero 25, 2024, nagdesisyon ang Tsentralniy District Court of Tolyatti sa Samara Region nga guilty si Sister Sona Olopova kag ginsentensiahan sing duha ka tuig nga forced labor sa isa ka correctional facility. Kinahanglan niya nga mag-istar sa pasilidad kag maghimo sang community service.

Impormasyon Parte sa Iya

Sona Olopova

Natawo: 1987 (Armenia)

Biograpiya: Nagsaylo ang iya pamilya sa Russia sang pulo ang iya edad. Nag-obra sia bilang makeup artist

Natun-an niya ang kamatuoran sa Biblia sa iya nanay. Nabawtismuhan sia bilang isa sa mga Saksi ni Jehova sang 2000

Napamana niya si Anatoliy sang 2009

Ang Iya Ginsiling a

Ano ang nakabulig sa imo para makapabilin nga malig-on ang imo pagtuo sa sining mabudlay nga tion?

Ginaako ko nga may mga tion nga nabudlayan ako nga unahon ang mas importante nga mga butang. Halimbawa, daku gid nga tion ang kinahanglan ko para handaan ang hearing. Isa ka adlaw sang ginabasa ko ang mga dokumento parte sa akon kaso, nagpensar ako: ‘Kinahanglan ko anay mag-untat, magpangamuyo, magbasa sang akon Biblia, kag mamati kay Jehova. Dayon tapuson ko ang akon paghanda para sa hearing.’ Nagasalig ako nga kon unahon ko ang mas importante nga mga butang kag magsalig sing bug-os kay Jehova, mangin maayo gid ang resulta.

Nagasalig kita nga si Jehova padayon nga magagiya, magaamlig, kag magapakita sang gugma kay Sona kag sa tanan nga matutom niya nga mga alagad nga padayon nga nagasalig sa iya.—Salmo 86:2.

Time Line

Mayo 15, 2023

Ginsugdan ang kaso
Mayo 16, 2023

Gin-raid ang iya balay. Gin-interogar sia kag ginbutangan sang restriksion ang iya pagbiyahe
Septiembre 6, 2023

Ginsugdan ang hearing
Enero 25, 2024

Nagdesisyon ang korte nga guilty sia kag ginsentensiahan sing duha ka tuig nga forced labor sa isa ka correctional facility

a Ang pag-interbyu kay Sister Olopova ginhimo antes pa sia masentensiahan.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE