MAYO 6, 2022
RUSSIA

Si Tatyana Obizhestvit Nagasalig kay Jehova

I-PLAY

Sa indi madugay, ipahibalo sang Vakhitovskiy District Court of Kazan of the Republic of Tatarstan ang desisyon sini sa kaso ni Sister Tatyana Obizhestvit. Wala pa sing may ginsiling ang piskal kon ano nga sentensia ang gusto niya sa sini nga kaso.

Time Line

Enero 19, 2020

Gin-raid sang mga awtoridad ang balay ni Tatyana kag ang balay sang pila pa ka mga Saksi ni Jehova sa Kazan. Gin-interogar si Tatyana kag ginbutang sa temporaryo nga detention center
Enero 21, 2020

Ginpagua sia pero gin-house arrest gihapon
Mayo 25, 2021

Nagsugod ang pag-hearing

Impormasyon Parte sa Iya

Tatyana Obizhestvit

Natawo: 1962 (Kazan)

Biograpiya: Naggradweyt sa cooking school. Nag-obra sia bilang cook sang isa ka eskwelahan kag sang ulihi nangin nurse

Nagtuon sia sa Biblia upod sa mga Saksi ni Jehova kag nalipay gid sia sang nabal-an niya nga puede sia mabuhi sing wala katapusan. Bisan pa ginpamatukan gid sia sang iya pamilya, nabawtismuhan sia sang 1995. Sia ang nagpadaku sa iya duha ka bata nga babayi. Nabalo sia sang 2010

Ang Iya Ginsiling

Ano ang nakabulig sa imo nga mabatuan ang pagluya sang buot sang gin-house arrest ka?

Pirme ako nagapangamuyo kag ginapangayo ko ang bulig ni Jehova nga hatagan ako sang kusog para mabatas ko ang sitwasyon. . . . Sang gin-house arrest ako, pamatyag ko nagaisahanon na lang ako. Indi ako makagamit sang telepono, computer, ukon sang iban pa nga paagi para makontak ko ang mga kauturan sa kongregasyon, ukon makaistorya ang iban. Ginbudlayan gid ako sang primero. Pirme ako naluyahan sing buot. Pero, gintinguhaan ko nga indi magpokus sa akon sitwasyon. Ginhunahuna ko kon ngaa natabo ini sa akon kag nakabulig ini sa akon nga madumduman nga amo sini ang akon sitwasyon kay palangga ko si Jehova kag gusto ko nga malipay sia sa akon. Bangod sina wala na nagaluya ang akon buot.

Napalig-on gid kita sang halimbawa ni Tatyana bangod padayon sia nga nagasalig kay Jehova kag indi sa iya kaugalingon nga paghangop samtang matutom sia nga nagabatas.—Hulubaton 3:5.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE