NOBIEMBRE 18, 2021
RUSSIA

UPDATE | Ang Iya Pagpakig-abyan kay Jehova kag sa Pareho Niya nga mga Saksi Amo ang Nakabulig kay Brother Andrey Ledyaykin nga Mangin Mabakod

I-PLAY

Sang Abril 26, 2022, ang Seversk City Court of the Tomsk Region nagdesisyon nga gulity si Brother Andrey Ledyaykin. Ginsentensiahan sia nga mapriso sing 26 ka bulan. Ginpriso dayon sia.

Time Line

Hulyo 12, 2021

Nag-umpisa ang pag-hearing
Marso 30, 2021

Ginkasuhan nga nagapakigbahin sa extremist nga mga hilikuton
Marso 29, 2021

Ginbutangan sing mga restriksion ang iya pagbiyahe
Marso 25, 2021

Ginsugdan ang kaso batok kay Andrey. Ginpahalin man sia sa iya obra
Hulyo 14, 2020

Gin-aresto sang mga agent sang Federal Security Service (FSB) kag duha ka pulis si Andrey samtang yara sia sa iya ulubrahan. Dayon, gin-raid nila ang iya balay sa sulod sang 12 ka oras
Marso-Abril 2020

Ang isa ka FSB agent nagpakunokuno nga interesado sa Biblia kag sekreto niya nga gin-videohan ang iya pagpakig-istorya kay Andrey kag sa iban pa nga kauturan

Impormasyon Parte sa Iya

Andrey Ledyaykin

Natawo: 1988 (Seversk, Tomsk Region)

Biograpiya: Mahilig sia mag-ski, mag-ice skating, mag-swimming, kag maglakatlakat sa gua. Nagaobra sia bilang accountant

Sang napatay ang iya lolo, madamo sia sang pamangkot parte sa kamatayon, sa Dios, kag sa palaabuton. Sang gin-agda sia sang iya abyan nga magtambong sa miting sang mga Saksi ni Jehova, nagaduhaduha pa sia pero nagtambong sia gihapon. Nagdayaw gid sia sa iya nakita nga gugma sa mga kauturan. Nabawtismuhan sia sang 2013. Asta subong, sia lang ang bawtismado nga Saksi sa iya pamilya

Ang Iya Ginsiling

Paano ka napabakod sang imo pagpakig-abyan kay Jehova?

Wala gid ako ginpabay-an ni Jehova. . . Nabatyagan ko na sadto nga ginabuligan ako ni Jehova, pero subong mas nabatyagan ko gid ang iya pagsuporta sa akon. Bal-an niya nga nagaantos ako para sa iya ngalan kag wala gid niya ginapabay-an ang mga matutom sa iya. Si Jehova gid ang pinakamaayo nga abyan!

Paano ka napabakod sang imo pagpakig-abyan sa pareho mo nga mga Saksi?

Kon kaisa, daw indi ’ko kabalo kon ano ang akon ihambal para pasalamatan ang ila pagpalangga sa akon. Nabatyagan ko gid nga para sa ila, ang akon problema kag mga kabalaka ila man mga problema kag kabalaka.

Napalig-on kita nga mahibaluan nga bisan pa madamo sing kabudlayan nga ginaatubang si Andrey, ginaatipan sia sa espesyal nga paagi.—Salmo 4:3.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE