OKTUBRE 5, 2021
RUSSIA

UPDATE | Ang Mahigugmaon nga mga Laygay Amo ang Nagapabakod kay Brother Vitaliy Omelchenko nga Batason ang Paghingabot

I-PLAY

Sang Septiembre 22, 2022, nagdesisyon ang Oktyabrskiy District Court of Murmansk nga guilty si Brother Vitaliy Omelchenko. Ginmultahan sia sing 580,000 rubles ($9,526 U.S.).

Time Line

Enero 29, 2021

Ginpasaka sa korte ang kaso batok kay Vitaliy
Enero 20, 2020

Gin-detain sia sang mga pulis para interogahon kag duha ka adlaw pa antes sia ginbuy-an. Indi sia puede makigkomunikar sa iban nga may labot sa sini nga kaso kag indi man sia makagamit sing Internet
Disiembre 23, 2019

Si Vitaliy ginpasakaan sing kaso sang Investigative Committee of the Russian Federation for the Murmansk Region. Ang iya kuno krimen amo ang paghimo sang mga hilikuton sang iya relihion sa iya balay bilang isa sa mga Saksi ni Jehova

Impormasyon Parte sa Iya

Vitaliy Omelchenko

Natawo: 1979 (Roslyakovo, Murmansk Region)

Biograpiya: Nanamian sia mag-ballroom dancing, mag-ski, mag-ice skating, kag magkanta. Duha ka tuig sia nga nagserbisyo bilang soldado

Sang 2000, nagtuon sia sing Biblia upod sa mga Saksi ni Jehova. Nabawtismuhan sia sang 2001. Napangasawa niya si Natalya sang 2013. Pagligad sang isa ka tuig nagmasakit sing grabe si Natalya kag nadis-ebol

Ang Iya Ginsiling

May ginhambal bala ang isa ka utod sa imo nga nakabulig sa imo nga makabatas?

Ang isa ka brother nga daw tatay ko na kag ara man sa detention center, nagsulat sa akon. Nagsiling sia: “Sang una, naistoryahan naton nga kinahanglan ta mangin maisog, mabakod, mainunungon, kag bug-os nga magsalig kag indi gid magduhaduha. Subong na ang tion nga pamatud-an naton paagi sa aton mga ginahimo ang aton gin-istoryahan anay.”

Ano ang nakabulig sa imo nga padayon nga mangin mabakod bisan pa sa mga kabutigan nga ginaakusar sa imo?

Ang Mateo 5:11 nagapahanumdom sa akon nga ang mga tawo ‘magabutangbutang sang tanan nga sahi sang kalautan.’ Nakabulig ini sa akon nga mabatas ang mga kabutigan nga ginaakusar sa akon sa tion sang pagbista. Pirme ko ginapensar nga walawala gid ang mga tawo kon ikumparar kay Jehova.

Ano ang malaygay mo sa iban parte sa ila paggamit sang ila tion para makahanda engkaso hingabuton man sila?

Magpangamuyo kay Jehova nga buligan ka nga mangin maisog kag magsalig sa iya bisan sa diutay nga mga butang. Padayon nga magtambong sa mga miting kag makigbahin sa sini. Makig-upod sa mga kauturan sa imo pagministeryo. Para bisan hingabuton kita, suod gihapon kita sa aton mga kauturan.

Padayon nga ginapanginpuslan ni Vitaliy ang panuytoy kag paumpaw halin sa Kasulatan, kag ang iya halimbawa nagapalig-on gid sa aton.—Roma 15:4.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE