HULYO 26, 2021
RUSSIA

UPDATE | “Bangod sa Paghingabot Nangin Mas Malapit Ako kay Jehova”

I-PLAY

Sang Abril 20, 2022, gin-deny sang Krasnodar Regional Court ang pag-apelar ni Brother Vladimir Skachidub. Padayon sia nga prisuhon.

Time Line

Sang Oktubre 11, 2021, ang Pavlovskiy District Court of the Krasnodar Territory nagdesisyon nga guilty si Vladimir kag ginsentensiahan sia nga mapriso sing apat ka tuig kag duha ka bulan
Disiembre 30, 2020

Ginsugdan ang una nga hearing
Hulyo 23, 2020

Ginbutang ang iya ngalan sa listahan sang mga extremist sa ila pungsod
Hunyo 23, 2020

Ginkasuhan nga kriminal, kag ang isa sa mga rason amo ang iya pag-preaching

Impormasyon Parte sa Iya

Vladimir Skachidub

Natawo: 1961 (Pavlovskaya, Krasnodar Territory)

Biograpiya: Pagkatapos sang iya pagserbisyo bilang soldado, nag-eskwela sia sing radio engineering sa isa ka eskwelahan sa Taganrog, Rostov Region. Sang 25 anyos sia, napatay ang iya mga ginikanan. Gani nagpauli sia sa ila lugar para atipanon ang iya manghod nga si Nataliya, nga 15 anyos pa lang sadto. Napatay man si Nataliya bangod sa leukemia sang 2003. Nag-obra si Vladimir bilang operator sang mga makina sa isa ka pabrika nga nagapanghimo sang mga piyesa sang salakyan. Nanamian sia magpangodak kag maggitara

Nangin interesado sia sa Biblia sang ang iya manghod nga si Nataliya kag ang amiga sini nga si Galina, may naistorya nga mga Saksi ni Jehova. Nanamian gid si Vladimir sa paathag parte sa pagpanuga amo nga nagtuon sia sa Biblia. Gin-untatan niya ang pagpanabako kag pagpahubog. Sang 1997 napangasawa niya si Galina. Nabawtismuhan sia sang 1998 kag si Galina naman sang 2016

Ang Iya Ginsiling

Ano ang ginapangabay mo kay Jehova kon magpangamuyo ka sa iya?

Nagapangayo ako sing balaan nga espiritu, paggiya, kag gahom nga labaw sa kinaandan. Sang magsugod ang imbestigasyon sa akon, . . . ginpangamuyo ko nga mapakabalaan ko ang ngalan ni Jehova sa akon mga sabat. Sa katapusan nga pag-interogar sa akon, gindayaw ako sang imbestigador. Nagsiling sia nga ginpakita ko gid kuno ang respeto kag dignidad.

Ano ang natun-an mo sa sini nga pagtilaw nga makabulig sa imo sa magaabot pa nga mga kabudlayan?

Bangod sa paghingabot nangin mas malapit ako kay Jehova. Natun-an ko man nga indi maluyahan sing buot bisan pa mabudlay ang sitwasyon, kundi magsalig gid kay Jehova.

Pareho kay Vladimir, mabakod man ang aton pagsalig nga padayon sia nga buligan ni Jehova “agod makabatas [sia] sing bug-os nga may pagpailob kag kalipay.”—Colosas 1:11.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE