MARSO 4, 2022
RUSSIA

UPDATE—GIN-DENY ANG PAG-APELAR | Ang Pagpalig-on sang Iban Nagpabakod kay Sister Lyudmila Shchekoldina

I-PLAY

Sang Oktubre 6, 2022, gin-deny sang Krasnodar Territory Court ang pag-apelar ni Sister Lyudmila Shchekoldina. Prisuhon sia gihapon.

Sang Mayo 23, 2022, nagdesisyon ang Pavlovskiy District Court of the Krasnodar Territory nga guilty si Lyudmila kag ginsentensiahan sia nga mapriso sing apat ka tuig kag isa ka bulan. Ginpriso sia gilayon.

Time Line

Abril 23, 2020

Ginsugdan ang imbestigasyon sa iya sang wala sia makahibalo nga ang iya ginaistorya parte sa Biblia isa gali ka undercover agent
Abril 29, 2020

Gin-raid sang mga awtoridad ang balay ni Lyudmila sa sulod sang siam ka oras kag gin-interogar sia. Ginkasuhan sia nga nagasuporta sa mga hilikuton sang isa ka extremist nga organisasyon
Hunyo 21, 2021

Ginsugdan ang hearing

Impormasyon Parte sa Iya

Lyudmila Shchekoldina

Natawo: 1976 (Aleksandrovka, Krasnodar Territory)

Biograpiya: Nakatuon sia nga magtokar sang piano sang bata pa sia. Isa sia ka maestra

Nagpalibog sia parte sa kahulugan sang kabuhi kag kon ngaa may inhustisya. Nagtuon sia sa Biblia upod sa mga Saksi ni Jehova kag nasabat ang iya mga pamangkot. Nabawtismuhan sia sang 1995

Ang Iya Ginsiling

Paano ka ginpalig-on sang iban?

Sining karon lang, ginhimuan ako sang pila ka sister sing video. Ang isa sa ila nagsiling: “Kon ginapamensar ta ka, madumduman ko gid dayon ang halimbawa sang bata nga babayi nga Israelinhon. Ngaa? Daw . . . maluya sia nga bata, pero puerte sa iya kaisog pareho sa soldado! Para sa akon, maayo ka gid nga halimbawa sang kaisog.”

Ginpadal-an ako sang sulat sang manugtatap sa sirkito nga may makapaumpaw nga mga bersikulo sa Biblia. Ang isa sini amo ang Salmo 68:28. Ginpatuhuyan niya ako sa sini nga bersikulo sang nagsulat sia: “Mabudlay subong ang imo kahimtangan. Pero, sigurado ako nga makabulig sa imo nga mangin mabakod ang imo gugma kag katutom kay Jehova. . . . Ginapabugal gid ni Jehova ang iya matutom nga mga alagad.”

Ginsulat ko ini nga mga pagpalig-on sa akon notebook kag ginabasa ini pirme.

Makasalig kita nga sa bulig ni Jehova, makapabilin nga mabakod si Lyudmila kag ang tanan naton nga matutom nga mga kauturan.—Salmo 68:28.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE