DISIEMBRE 30, 2021
RUSSIA

UPDATE—GIN-DENY ANG PAG-APELAR | Ang Pagsalig ni Brother Nikolayev kay Jehova Naghatag sa Iya sing Kalinong

I-PLAY

Sang Oktubre 20, 2022, gin-deny sang Krasnodar Territory Court ang pag-apelar ni Brother Aleksandr Nikolayev. Padayon sia nga prisuhon.

Time Line

Disiembre 23, 2021

Ang Abinskiy District Court of the Krasnodar Territory nagdesisyon nga guilty si Aleksandr kag ginsentensiahan sia nga mapriso sang duha ka tuig kag tunga
Septiembre 30, 2021

Ginbutang sa temporaryo nga prisuhan
Agosto 4, 2021

Ginsugdan ang pag-hearing sa iya kaso
Mayo 26, 2021

Gin-akusar sia nga nagaistorya parte sa Biblia sa iya mga pamilya kag mga abyan. Para sa mga imbestigador “isa ini ka krimen kontra sa kahim-ong nga ginpasad sang konstitusyon kag sa seguridad sang estado”
Abril 7, 2021

Sang alas 6:00 sang aga, gin-raid sang mga FSB agent kag sang mga riot police ang balay sang mga Nikolayev. Gindala nila si Aleksandr para interogahon kag ginbuy-an man sang ulihi
Marso 31, 2021

Ginkasuhan si Aleksandr

Impormasyon Parte sa Iya

Aleksandr Nikolayev

Natawo: 1973 (Salavat, Republic of Bashkortostan)

Biograpiya: Nangin Russian Navy sia sang 18 anyos. Naggradweyt sia sang ulihi sa technical college bilang manug-repair sang mga appliances sa balay

Napangasawa niya si Yevgeniya sang 1997. May tatlo sila ka bata nga lalaki kag duha ka gin-adoptar nga bata nga babayi, nga nagaedad sing 10 kag 12. Nanamian ang ila pamilya magkadto sa baybay kag sa kagulangan

Nagsugod sia sa pagtuon sang Biblia upod sa mga Saksi ni Jehova sang mga 1995. Nalipay gid sia sang nabal-an niya nga si Jesus indi ang Dios kag nga ang ngalan sang Dios amo si Jehova. Nabawtismuhan sia sang 1996

Ang Iya Ginsiling

Ano nga kinaiya ang nakabulig sa imo nga magbatas?

Ginausisa ko ang akon kaugalingon kon bala may pagsalig ako sa Dios para makapadayon ako nga matutom asta sa katapusan. Narealisar ko nga kon nahadlok ako sa tawo kag sa mahimo matabo, indi na ako makapamensar sing maayo. Wala ako nagapadala sa kahadlok. Ginbuligan gid ako ni Jehova. Gani bisan pa nga grabe gid ang akon kulba sang gin-raid nila ang akon balay, nakabatyag ako sing kalinong.

Kabalo kita nga si Aleksandr kag ang tanan naton nga matutom nga mga kauturan sa Russia kag sa Crimea pakamaayuhon gid bangod sang ila pagsalig kay Jehova.—Jeremias 17:7.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE