OKTUBRE 27, 2021
RUSSIA

UPDATE—GIN-DENY ANG PAG-APELAR | “Gin-amligan Gid Ako ni Jehova”

I-PLAY

Sang Nobiembre 1, 2022, gin-deny sang Primorye Territory Court ang pag-apelar ni Sister Liya Maltseva. Indi niya kinahanglan nga mapriso sa sini nga tion.

Sang Septiembre 20, 2022, nagdesisyon ang Partizansk City Court of the Primorye Territory nga guilty si Liya kag ginsentensiahan sia sang duha ka tuig kag tatlo ka bulan nga suspended prison.

Time Line

Hunyo 22, 2021

Ginsugdan ang pagbista sa kaso ni Liya
Agosto 18, 2020

Gin-raid sang FSB, ang secret police sang Russia, ang balay ni Liya kag ginkompiskar nila ang pila ka Biblia, mga libro, kag ang iya telepono. Dayon gindala sia sa Investigative Department para interogahon
Hulyo 9, 2020

Si Liya ginbutang sang Federal Financial Monitoring Service of the Russian Federation sa listahan sang mga terorista kag mga extremist
Hunyo 1, 2020

Si Liya ginpasakaan sang kaso base sa Criminal Code of the Russian Federation. Gin-akusar sia nga nagapakigbahin sa hilikuton sang gin-ban nga relihion

Impormasyon Parte sa Iya

Liya Maltseva

Natawo: 1969 (Anzhero-Sudzhensk, Kemerovo Region)

Biograpiya: Sang bata sia, nanamian sia magsaot kag magbiyahe upod sa iya pamilya. Nag-eskwela sia sa isa ka vocational school para mangin cook. Mahilig sia mag-camping kag maglagawlagaw sa matahom nga mga lugar malapit sa ila balay

Pagdaku niya, nabatian niya ang parte sa mga Saksi ni Jehova kay nanay niya. Gani ginpangita niya ang mga Saksi sa ila lugar para magpa-Bible study. Nanamian gid sia sa paathag sang Biblia parte sa kamatayon. Nag-resign sia sa iya obra bilang guardia sa isa ka military post. Nabawtismuhan sia sang 1999

Ang Iya Ginsiling

Paano ka ginbuligan sang mga kauturan?

Naeksperiensiahan ko ang gugma nga sobrasobra gid sangsa ginapaabot ko. Ginhimo gid sang mga kauturan ang tanan nila nga masarangan para atipanon ang akon mga kinahanglanon, palig-unon ako, kag buligan nga indi magluya ang akon pagtuo.

Paano mas nga nagbakod ang imo relasyon kay Jehova bangod sa sining mga kabudlayan nga imo naeksperiensiahan?

Gin-amligan gid ako ni Jehova. Bangod sa akon sitwasyon subong, nabatyagan ko nga ginaatipan gid ni Jehova ang iya katawhan, bisan pa kon kaisa may maagyan gid nga mga kabudlayan. Kon nahadlok ako, padayon lang ako nga nagabatas kag nagasalig sa kusog ni Jehova. Nabal-an niya kon ano ang akon masarangan nga himuon kag kon ano ang akon mabatas.

Napalig-on gid kita sa maayo nga halimbawa sang pagbatas ni Liya. Nagasalig kita nga padayon sia nga pakamaayuhon ni Jehova bangod sa iya katutom.—1 Samuel 26:23.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE