PEBRERO 21, 2022 | GIN-UPDATE: HULYO 31, 2023
RUSSIA

UPDATE—GINMULTAHAN | Mas Nagbakod ang Pagtuo sang mga Brother sa Bulig sang Pareho Nila nga mga Saksi

I-PLAY

Sang Hulyo 28, 2023, nagdesisyon ang Petrozavodsk City Court of the Republic of Karelia nga guilty si Brother Maksim Amosov, si Brother Mikhail Gordeev, si Brother Nikolay Leshchenko, kag si Brother Dmitriy Ravnushkin. Ginmultahan sila sing 450,000 rubles ($4,909 U.S.) asta sa 500,000 rubles ($5,455 U.S.).

Time Line

Hulyo 31, 2019

Gin-raid sang mga FSB officer ang mga puluy-an kag ginaubrahan sang 16 ka Saksi ni Jehova
Agosto 2, 2019

Ginmanduan si Maksim sang mga imbestigador nga indi magbiya sa pungsod. Ginpasakaan sing kaso sang mga awtoridad si Nikolay kag ginmanduan nga indi maghalin sa iya lugar
Agosto 6, 2019

Ginkasuhan sang imbestigador si Maksim kag si Nikolay sang “krimen” nga pagtuon sa Biblia
Septiembre 5, 2019

Gin-detain sang mga FSB officer si Mikhail sa iya ginaubrahan kag ginkumpiskar ang iya kompyuter. Ginpasakaan sang kaso sang imbestigador si Mikhail
Septiembre 20, 2019

Gin-raid sang mga FSB officer ang ginaobrahan ni Dmitriy kag ginkumpiskar ang iya cell phone. Gin-interogar sang imbestigador si Dmitriy sa sulod sang apat ka oras, ginpasakaan sia sing kaso, kag ginmanduan nga indi maghalin sa iya lugar
Oktubre 18, 2021

Ginsugdan ang hearing

Impormasyon Parte sa Ila

Mikhail Gordeev

Natawo: 1959

Biograpiya: Nanamian sia mag-swimming kag mahilig sia sa musika

Halin sang bata sia, nagapalibog sia parte sa Dios kag sa katuyuan sang kabuhi. Napatay ang iya asawa sang gamay pa ang ila bata nga lalaki. Sang nagapangita sia sang paumpaw, naistorya niya ang isa sa mga Saksi ni Jehova kag nahibaluan niya ang ngalan sang Dios. Naistorya niya liwat ang mga Saksi pila ka tuig sang ulihi kag nagpasugot sia dayon nga magtuon sa Biblia. Nabawtismuhan sia sang 1996

Napangasawa niya si Yelizaveta sang 1999. May duha sila ka bata nga babayi nga nagaistar gihapon sa ila balay

Ang Iya Ginsiling

Ano ang ginhimo mo para mahandaan sang imo pamilya ang paghingabot?

Sang gin-ban ang mga Saksi ni Jehova sa pungsod, . . . narealisar ko nga daku gid ini nga pagtilaw sa amon pagtuo. Gani ginsigurado ko nga mangin mabakod ang akon pagtuo kag sang akon pamilya. Regular kami nga nagabasa sang Biblia sing ulupod kag regular nga nagapangamuyo sing ulupod nga hatagan kami sing kaisog. Ginabasa man namon ang mga eksperiensia sang mga kauturan nga nagbatas.

Madumduman mo bala ang isa ka sitwasyon nga ginbuligan ka ni Jehova sa talalupangdon nga paagi?

Mga isa ka bulan pagkatapos sang pag-raid sa amon, gindakop ako [sang mga imbestigador] sa akon ginaubrahan. Gin-interogar nila ako kag ginbasa nila sa akon kon ano nga krimen ang ginaakusar sa akon. Sang gin-interogar ako sang mga imbestigador, ginpahog nila ako nga dal-on sa detention center kon indi ako magtestigo batok sa mga kauturan. Mabudlay gid ini nga tion para sa akon. Nangamuyo ako kay Jehova nga hatagan niya ako sing kaalam kag kabakod. Ginbuligan niya ako nga makabatas kag indi madala sang pamahog.

Nikolay Leshchenko

Natawo: 1962 (Poltava, Ukraine)

Biograpiya: Napangasawa niya si Svetlana sang 1984. Sang 1988, nakilala nila ang isa ka Saksi nga mag-asawa sang naasayn sia bilang soldado sa Poland. Sang 1989, nagtambong sila sa Memoryal sa una nga tion. Sang nakabalik sila sa Russia sang 1993, nagsugod sila sa pagtuon sa Biblia kag nabawtismuhan sila sina man nga tuig

Ang Iya Ginsiling

Paano ka ginbuligan ni Jehova sa tion nga indi ka makabiyahe?

Sang 2019, na-depress ako. Nagtambong si Svetlana sa kombension sa Warsaw, Poland. Nagkitaay sila didto sang pila namon ka abyan nga taga-Poland. Gani naistorya ko sila paagi sa videoconference. Wala ko na madumduman ang ila ginsiling, pero napalig-on gid ako sang amon pag-istoryahanay. . . . Maathag gid sa akon nga paagi ini ni Jehova nga buligan ako.

Nalipay gid kita nga ang aton mga kauturan sa Russia padayon nga nagalakat sa kamatuoran bisan ginahingabot.—3 Juan 4.

a b Wala sia mainterbyu.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE