HULYO 14, 2021 | GIN-UPDATE: DISIEMBRE 2, 2022
RUSSIA

UPDATE—GINPAHIBALO ANG SENTENSIA | Ang Paghanda sa Paghingabot Amo ang Nakabulig sa Tatlo ka Brother nga Padayon nga Mangin Matutom

I-PLAY

Sang Nobiembre 30, 2022, nagdesisyon ang Ussuriyskiy District Court of the Primorye Territory nga guilty sanday Brother Anton Chermnykh, Brother Sergey Korolchuk, kag Brother Dmitriy Tishchenko. Kada isa sa ila ginsentensiahan sang anom ka tuig nga suspended prison. Indi nila kinahanglan nga mapriso sa sini nga tion.

Time Line

Septiembre 23, 2020

Gin-hearing ang kaso nanday Anton, Sergey, kag Dmitriy
Hulyo 7, 2020

Pormal nga ginpasakaan sing kaso sanday Anton, Sergey, kag Dmitriy bangod nagapanguna sila sa mga hilikuton sang isa ka “extremist” nga relihioso nga organisasyon
Hunyo 18, 2019

Gindala si Sergey sa pretrial detention kag nagtener didto sing duha ka adlaw

Impormasyon Parte sa Ila

Anton Chermnykh

Natawo: 1987 (Magdeburg, Germany)

Biograpiya: May kapid sia nga lalaki kag bata pa lang sila sang ginbayaan sila sang ila amay. Pagkatapos niya eskwela, nagtrabaho sia bilang software engineer

Natun-an niya ang kamatuoran sa iya iloy. Nanamian gid sia sa ginatudlo sang Biblia kon ngaa gintuga kita sang Dios. Nabawtismuhan sia bilang isa sa mga Saksi ni Jehova sang 2004. Napangasawa niya si Yekaterina sang 2013. May bata sila nga babayi nga si Milana

Ang Iya Ginsiling

Ano ang ginhimo mo para mahandaan ang paghingabot?

Pirme ko ini ginapamensaran. Pirme ko ginapamensar kon ano ang posible nga maeksperiensiahan ko kag sang akon pamilya. Gintinguhaan ko man nga mangin regular sa akon personal nga pagtuon. Ang matuod, sugod sang nag-umpisa ang pagpang-aresto sa Russia, kabalo ’ko nga sa ulihi ibutang man ’ko sa temporary detention facility kag indi nila ako paghatagan sing Biblia ukon mga publikasyon.

Sergey Korolchuk

Natawo: 1967 (Vladivostok, Primorye Territory)

Biograpiya: Nag-eskwela para mangin soldado kag nangin agent sa Committee for State Security (KGB). Sang ulihi, nagtrabaho sia bilang operator sang makina sa isa ka kompanya sang mga muebles. Sining karon lang nagtrabaho sia bilang isa ka janitor. Napangasawa niya sing Yelena sang 1989. May duha sila ka bata

Nagdayaw gid sia sa ginasiling sang Biblia parte sa nagakatabo sa kalibutan kag sa paglaum sa palaabuton. Nabawtismuhan sia bilang isa sa mga Saksi ni Jehova sang 1993

Ang Iya Ginsiling

Ano ang natun-an mo sa sini nga pagtilaw nga makabulig sa imo kon matilawan liwat ang imo pagtuo?

Maathag gid sa akon nga nagakatuman ang ginsiling sang Cristo. Indi kita dapat magkabalaka sing sobra. Sa baylo, mangin kalmado lang kita kag kon may kahigayunan, isugid naton sa iban ang kamatuoran. Pero dapat maghalong kita sa paghimo sini kag ipakita gid ang pagtahod. Nabaton ko na bisan ano man ang mangin desisyon sang korte, kag handa naman ang akon pamilya.

Samtang padayon nga gina-hearing ang ila kaso kag ang paghingabot sa ila, kabalo kita nga pakamaayuhon gid ni Jehova ang katutom ni Anton, ni Sergey, kag ni Dmitriy.—Hulubaton 28:20.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE