ABRIL 4, 2024 | GIN-UPDATE: ABRIL 9, 2024
RUSSIA

UPDATE—GINPRISO ANG BROTHER | ‘Ang Importante Amo ang Akon Pagpakig-Abyan kay Jehova’

I-PLAY

Sang Abril 8, 2024, nagdesisyon ang Avtozavodskiy District Court of Tolyatti in the Samara Region nga guilty si Brother Aleksandr Dolganov kag ginsentensiahan sia sing tatlo ka tuig nga pagkapriso. Gindala sia dayon sa prisuhan halin sa korte.

Impormasyon Parte sa Iya

Aleksandr Dolganov

Natawo: 1988 (Tolyatti)

Biograpiya: Sang bata pa sia, wala sia nanamian magkadto sa simbahan. Nag-attend sia sa miting sang mga Saksi ni Jehova upod sa iya nanay. Bangod sang pagkamaabiabihon nga ginpakita sa ila sang mga kauturan kag sa maathag nga kamatuoran nga ila natun-an, nagpangabay sia nga magpa-Bible study

Nabawtismuhan sia sang 2000

Napangasawa niya si Mariya sang 2017

Ang Iya Ginsiling

Ano ang natun-an mo sa imo eksperiensia?

Sang gin-raid ang amon balay, nangin maathag sa akon nga ang tanan ko nga gamit puede lang dayon makuha sa akon. Pagkatapos sini nga eksperiensia, wala kami nagpokus sang akon asawa sa materyal nga mga butang sa sini nga kalibutan. Ang importante amo ang amon pagpakig-abyan kay Jehova kag ang bulig sang aton mahigugmaon nga mga kauturan. Mas determinado na gid ako subong nga pabaloran ini nga mga pagpakamaayo nga magapadayon asta sa wala sing katapusan.

Pareho kay Aleksandr, importante para sa aton nga gamiton sing maayo ang aton tion sa sining ‘malaut nga mga adlaw.’—Efeso 5:15, 16.

Time Line

Mayo 16, 2023

Gin-raid ang ila balay. Gindala sia sa temporary detention facility
Mayo 17, 2023

Ginpagua sa temporary detention pero gin-house arrest gihapon. Wala sia ginpasugtan nga maggamit sang telepono ukon Internet
Agosto 10, 2023

Wala na sia gin-house arrest pero ginbutangan sang restriksion ang iya pagbiyahe
Nobiembre 13, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE