MARSO 21, 2024 | GIN-UPDATE: ABRIL 12, 2024
RUSSIA

UPDATE—GINSENTENSIAHAN NGA GUILTY ANG ISA KA SISTER | “Indi Gid Kita Pagpabay-an ni Jehova”

I-PLAY

Sang Abril 12, 2024, nagdesisyon ang Tsentralniy District Court of Prokopyevsk in the Kemerovo Region nga guilty si Sister Yelena Chernykh kag ginsentensiahan sia sang tatlo ka tuig nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Yelena Chernykh

Natawo: 1976 (Prokopyevsk)

Biograpiya: Sang nag-Bible study sia upod sa mga Saksi ni Jehova, nangin suod pa gid sia sa Dios. Nabawtismuhan sia sang 1998

Napamana niya si Yuriy sang 2006. Nagdesisyon ang korte nga guilty si Yuriy kag ginsentensiahan sia sang tatlo ka tuig nga forced labor sang Septiembre 2023. May tatlo sila ka bata nga lalaki

Ang Iya Ginsiling

Ano ang ginapasalamatan mo samtang padayon ka nga nagabatas?

Nalipay ako nga napadayon ko ang akon espirituwal nga rutina pareho sang pagpangamuyo, pagbasa sang Biblia, kag pagbulig sa iban. Ang paghimo sini nakabulig sa akon para indi ako maluyahan. Nagapasalamat man ako bangod pirme ginasabat ni Jehova ang akon mga pangamuyo paagi sa paghatag sa akon sang kusog kag kaisog nga kinahanglan ko para mapangapinan ang iya ngalan sa korte. Kag nagapasalamat man ako sa pinalangga nga mga utod nga nagasuporta sa akon pamilya, nagapangamuyo para sa amon, kag nagahatag sang amon mga kinahanglanon sa materyal. Indi gid kita pagpabay-an ni Jehova. Samtang ginaatubang ko ini nga kabudlayan, nagapasalamat ako nga pirme ko kaupod si Jehova nga nagauyat sang akon kamot.

Makapaumpaw gid mabal-an nga si Jehova “wala nagabag-o” kag padayon nga nagahatag sa aton sang “tagsa ka maayo nga dulot kag tagsa ka himpit nga regalo” para buligan kita nga mabatas bisan ang pinakamabudlay nga mga pagtilaw.—Santiago 1:17.

Time Line

Hulyo 12, 2020

Gin-raid ang ila balay. Gin-interogar si Yelena kag Yuriy
Mayo 25, 2023

Ginsugdan ang kaso
Agosto 15, 2023

Ginbutangan sang restriksion ang iya pagbiyahe
Oktubre 9, 2023

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE