ENERO 17, 2023 | GIN-UPDATE: ABRIL 17, 2023
RUSSIA

UPDATE—GINSENTENSIAHAN NGA GUILTY ANG ISA KA SISTER | “Si Jehova Pirme Malapit sa Akon”

I-PLAY

Sang Abril 17, 2023, nagdesisyon ang Metallurgicheskiy District Court of Chelyabinsk nga guilty si Sister Olga Zhelavskaya kag ginsentensiahan sia sang duha ka tuig nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Olga Zhelavskaya

Natawo: 1962 (Potapovo, Chelyabinsk Region)

Biograpiya: Nag-obra sia bilang elevator maintenance dispatcher

Nakilala niya ang mga Saksi ni Jehova sang nag-Bible study ang isa niya ka kilala. Nakita niya ang sabat sa iya mga pamangkot parte sa kamatayon kag kon bala may Dios gid man. Nabawtismuhan sia sang 2012

Ang Iya Ginsiling

Ano nga istorya sa Biblia ang nakapalig-on sa imo?

Antes sang akon una nga hearing sa korte, ginpalig-on ako sang isa ka utod nga pamalandungan ang halimbawa sang propeta nga si Jonas kag ang iya eksperiensia nga makita sa video nga Ang Sugilanon ni Jonas—Isa ka Leksion sang Kaisog kag Kaluoy. Nahadlok si Jonas nga isugid ang paghukom ni Jehova sa mga taga-Nineve. Sang una niya nga pag-abot sa siudad, ginsugid niya ini nga paghukom sa mahinay nga tingog. Pero sang ulihi, nangin maisog na sia. Napalig-on gid ako sa sini nga istorya. Narealisar ko nga ining mabudlay nga mga sitwasyon nakapabakod sang akon pagtuo kag pagbatas. Ginapahanumdom ako sini nga si Jehova pirme malapit sa akon kag indi ako dapat mahadlok sa bisan ano.

Nagasalig kita nga bisan ano man nga mga pagtilaw ang aton maagihan, ang mga alagad ni Jehova ‘indi gid malingkang’ bangod sa iya pagpalangga kag bulig.—Salmo 16:8.

Time Line

Hunyo 16, 2018

Ginsugdan ang audio kag video nga pag-surveillance sa balay ni Olga kag sa iya mga ginahimo
Marso 26, 2019

Gin-raid ang iya balay bangod sa ginahimo nga imbestigasyon kay Brother Vladimir Suvorov
Agosto 31, 2021

Ginsugdan ang kaso. Gin-akusahan sia nga nagasuporta sa mga hilikuton sang isa ka extremist nga organisasyon bangod sa iya balay sila nagatipon
Oktubre 22, 2021

Na-stroke sia kag gindala sa ospital
Septiembre 28, 2022

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE