MARSO 27, 2024 | GIN-UPDATE: MAYO 13, 2024
RUSSIA

UPDATE—GINSENTENSIAHAN NGA GUILTY ANG MGA BROTHER | Nagpabilin nga Nagasalig, Handa, kag Positibo

I-PLAY

Sang Mayo 13, 2024, nagdesisyon ang Leninskiy District Court of Barnaul in the Altai Territory nga guilty sanday Brother Yuriy Kolotinskiy, Brother Mikhail Reshetnikov, kag Brother Anatoliy Sarychev. Ginsentensiahan sila nga tatlo sang duha ka tuig kag tatlo ka bulan nga suspended prison. Indi sila kinahanglan nga mapriso sa sini nga tion.

Impormasyon Parte sa Ila

Yuriy Kolotinskiy

Natawo: 1955 (Moldova)

Biograpiya: Nag-obra sia bilang heavy-machine operator sa isa ka minahan

Napangasawa niya si Nataliya sang 1977

Nagpalibog sia kon ngaa grabe gid ang pag-antos. Nakita niya ang maathag nga mga sabat sa Biblia sang nag-Bible study sia upod sa mga Saksi ni Jehova. Nabawtismuhan si Yuriy kag Nataliya sang 1995

Ang Iya Ginsiling

Ano nga rekord sa Biblia ang nagbulig sa imo nga magsalig sa suporta ni Jehova?

Pirme ko gid ginadumdom ang mga Israelinhon sang naghalin sila sa Egipto. Gingiyahan kag ginproteksionan gid sila ni Jehova sa tanan nga tion nga ara sila sa kahanayakan. Nabatyagan ko nga amo man sina ang ginahimo ni Jehova para sa akon. Sa kada tion nga ginapatawag ako sa korte, gina-imadyin ko nga si Jehova nagauna sa akon. Nabatyagan ko gid ang iya suporta amo nga kumbinsido ako nga palangga niya ako kag hatagan niya ako sang kusog nga makabatas kag makapabilin nga matutom bisan ano man ang matabo. Mas nagbakod pa gid ang akon pagtuo subong kag kabalo ko nga ginahimo ko ang husto. Gani, handa ako nga himuon ang bisan ano para mapangapinan ang ngalan ni Jehova.

Mikhail Reshetnikov

Natawo: 1949 (Maksiner, Kirov Region)

Biograpiya: Nag-obra sia bilang drayber sang bus kag trak sing sobra 50 ka tuig

May bata sia nga lalaki kag bata nga babayi sa una niya nga asawa, nga sang ulihi napatay bangod sa kanser. Napangasawa niya si Antonina sang 2021

May mga pamangkot sia parte sa Biblia pero wala niya nakita ang mga sabat sa iya simbahan. Nalipay gid sia nga mabal-an ang kamatuoran sang nagpa-Bible study sia upod sa mga Saksi ni Jehova. Nabawtismuhan sia sang 2000

Ang Iya Ginsiling

Paano nakabulig sa imo ang paghanda sa paghingabot?

Sang nagsugod ang pagpang-aresto kag pagpriso sa aton mga kauturan, nangamuyo ako kay Jehova nga hatagan ako sang kaalam kag pagpugong sa kaugalingon para mangin handa ako. Pirme ako ginabuligan ni Jehova kag kumbinsido ako nga ginasabat gid niya ang akon mga pangamuyo sa insakto nga tion. Sigurado ako nga ginabuligan niya ako. Bilang resulta, wala gid ako nahadlok bisan ano man ang desisyon sang korte sa akon kaso. Kabalo ko nga sa bulig ni Jehova, makapabilin ako nga matutom.

Anatoliy Sarychev

Natawo: 1949 (Karpovo, Altai Territory)

Biograpiya: Nag-obra sia bilang graphic designer

Napangasawa niya si Nadezhda sang 1990. May isa sila ka bata nga lalaki

Naistorya niya ang mga Saksi ni Jehova samtang nagapaayo sia sa iya operasyon. Nalipay gid sia nga mabal-an nga nagpromisa si Jehova nga dulaon niya ang pagpamintas kag pag-antos. Nabawtismuhan si Nadezhda sang 2001 kag si Anatoliy sang 2002

Ang Iya Ginsiling

Ano ang nakabulig sa imo nga magpabilin nga positibo?

Ginapamensar ko ang nasulat sa 1 Pedro 3:14: “Apang kon mag-antos gid man kamo tungod sa pagkamatarong, mangin malipayon kamo.” Ginhingabot sang mga Fariseo ang mga apostoles bangod wala sila nag-untat sa pagbantala. Ginbatas sang mga apostoles ang pagpakahuya bangod sa ngalan ni Jesus kag ginkabig nila ini nga rason para magkalipay. Gusto ko sundon ang ila halimbawa. Wala sing rason para maluyahan ako bangod lang ginahingabot ako. Kundi, malipayon ako bangod nabal-an ko nga ginasunod ko ang halimbawa sang mga Cristiano sang una kag ni Jesucristo.

Nagapasalamat kita sa sini nga mga brother nga maayo nga mga halimbawa sang pagtuo kag pagsalig kay Jehova. Kumbinsido kita nga padayon nila nga mabaton ang mainunungon nga gugma kag katutom ni Jehova.—Salmo 25:10.

Time Line

Mayo 25, 2021

Ginsugdan ang kaso kay Mikhail
Mayo 27, 2021

Gin-raid ang balay ni Mikhail. Gin-interogar sila ni Antonina. Ginbutangan sang restriksion ang pagbiyahe ni Mikhail
Oktubre 6, 2022

Ginsugdan ang kaso nanday Anatoliy kag Yuriy kag gintingob sa kaso ni Mikhail
Oktubre 7, 2022

Ginbutangan sang restriksion ang pagbiyahe ni Anatoliy kag Yuriy
Enero 19, 2023

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE