HUNYO 15, 2022
RUSSIA

UPDATE—GINSENTENSIAHAN NGA GUILTY | Determinado si Galina Kobeleva nga Makapanaksi sa Korte

I-PLAY

Sang Oktubre 20, 2022, ang Lesozavodskiy District Court of the Primorye Territory nagdesisyon nga guilty si Sister Galina Kobeleva kag ginsentensiahan sia sang anom ka tuig nga suspended prison. Indi niya kinahanglan nga mapriso sa sini nga tion.

Time Line

Mayo 12, 2020

Gin-raid sang mga pulis sa Primorye Territory ang balay sang apat ka pamilya nga mga Saksi ni Jehova, lakip na ang balay ni Galina. Sia kag ang iya bata nga lalaki nga si Brother Sergey Kobelev, gin-interogar kag ginsugdan ang imbestigasyon sa ila
Marso 8, 2021

Ginkasuhan si Galina. Gin-akusar sia nga nagapakigbahin sa mga hilikuton sang isa ka extremist nga organisasyon
Abril 7, 2021

Ginbutangan sang restriksion ang iya pagbiyahe
Oktubre 29, 2021

Ginsugdan ang hearing

Impormasyon Parte sa Iya

Galina Kobeleva

Natawo: 1956 (Verkhniye Mully, Perm Territory)

Biograpiya: Nag-obra sia sa sales kag accounting. Nanamian sia mananom

Ang iya nanay ang nagtudlo sa iya parte sa mga Saksi ni Jehova. Ang gugma sang aton mga kauturan sa kongregasyon amo ang nakakumbinsi sa iya nga amo ini ang kamatuoran. Nabawtismuhan sia sang 1998

Ang Iya Ginsiling

Ano ang nakabulig sa imo nga mangin maisog para makapanaksi ka?

Ginakabig ko ang korte nga akon personal nga teritoryo. Pamatyag ko gusto ni Jehova kag ni Jesus nga manaksi ako sa korte.

Ginasuportahan man ako sang mga kauturan sa kada hearing. Bisan pa ako lang ang ara sa korte, mabatyagan ko nga ginasuportahan nila ako paagi sa ila mga pangamuyo.

Ano nga teksto sa Biblia ang nakabulig sa imo nga makabatas?

Ang isa sa paborito ko nga mga teksto amo ang Isaias 48:17, 18, nga nagasiling: “Ako si Jehova nga imo Dios, ang nagatudlo sa imo para sa imo kaayuhan, ang nagatuytoy sa imo sa dalanon nga dapat mo laktan.” . . . Pirme ko ginahunahuna ang kaayuhan kag ang kalipay nga mabatyagan ko kon sundon ko ang iya dalanon. May matahom kita nga paglaum nga magkabuhi sa paraiso nga duta nga ang tanan perpekto na. Pero subong, may kahigayunan kita nga makita kon paano kita ginabuligan sang aton labing gamhanan nga Abyan kag Amay sa sini nga mga pagtilaw kag mangin malapit sa iya. . . . Kon magbiya ako sa iya dalanon, batason ko gihapon ang mga kabudlayan sa kabuhi. Pero kon amo sina ang himuon ko, ginbiyaan ko man ang isa nga amo lang ang makapaumpaw kag makabulig gid sa akon.

Nagapasalamat gid kita kay padayon nga ginadala ni Jehova sa “lugar nga wala sing katalagman” ang matutom niya nga mga alagad, pareho kay Galina, samtang padayon nila nga ginapangapinan ang iya ngalan.—2 Samuel 22:18-21.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE