Sang Oktubre  10, 2022, nagdesisyon ang Solnechniy District Court of the Khabarovsk Territory nga guilty si Brother Boris Yagovitov kag ginsentensiahan sia sang lima ka tuig nga suspended prison. Siam ka bulan sia nga nagtener sa pretrial detention. Ginpagua sia gilayon kay indi niya kinahanglan nga mapriso sa sini nga tion.

1. Disiembre 14, 2020

   Gintun-an sang mga imbestigador ang mga audio recording sang pag-istoryahanay ni Boris kag sang isa ka undercover agent nga nagpakunokuno nga interesado sa Biblia

2. Mayo 14, 2021

   Ginsugdan ang kaso batok kay Boris. Gin-akusar sia nga naga-attend sa mga miting sang isa ka extremist nga organisasyon kag nagapang-recruit sang bag-o nga mga miembro

3. Hunyo 5, 2021

   Gin-raid ang ila balay samtang dungan sila ni Nataliya nga ginainterogar. Dayon, ginbutang si Boris sa temporary detention

4. Hunyo 7, 2021

   Ginpagua sia sa temporary detention pero gin-house arrest gihapon

5. Disiembre 29, 2021

   Ginsugdan ang hearing. Sa tion sang hearing, nagsiling ang piskal nga dapat ibutang si Boris sa pretrial detention kay ginlapas niya kuno ang mga kondisyon nga ginapatuman sa pag-house arrest sa iya. Ginbutang sia sang mga awtoridad sa pretrial detention

6. Pebrero 24, 2022

   Ginbalik ang kaso sa piskal kay may nalapas nga mga proseso ang mga imbestigador. Pero, wala ginpagua sa pretrial detention si Boris

7. Hunyo 9, 2022

   Ginpadayon ang hearing

Si Boris kag si Nataliya maayo gid nga halimbawa bangod ginapokus nila ang ila panghunahuna sa matarong kag dalayawon nga mga butang. Nagasalig kita nga “ang Dios sang paghidait” padayon nga mangin kaupod nila.—Filipos 4:8, 9.