AGOSTO 25, 2023 | GIN-UPDATE: ABRIL 4, 2024
RUSSIA

UPDATE—GINSENTENSIAHAN NGA GUILTY | “Wala Na sang Nagahatag sa Akon sang Daku nga Kalipay Kundi ang Akon Relasyon kay Jehova”

I-PLAY

Sang Abril 3, 2024, nagdesisyon ang Goryacheklyuchevskoy City Court of the Krasnodar Territory nga guilty si Brother Pavel Sidorenko kag ginsentensiahan sia sang tatlo ka tuig nga suspended prison. Indi niya kinahanglan nga mapriso sa sini nga tion.

Impormasyon Parte sa Iya

Pavel Sidorenko

Natawo: 1958 (Krymsk, Krasnodar Territory)

Biograpiya: Nag-obra sia bilang mechanical engineer

Napangasawa niya si Marina sang 1981. May isa sila ka bata nga babayi

Nangin interesado sia sa mga Saksi ni Jehova sang nasabat sang Biblia ang iya mga pamangkot parte sa ginhalinan sang kabuhi. Nabawtismuhan sila ni Marina sang 1991

Ang Iya Ginsiling

Ano nga mga teksto sa Biblia ang nagpalig-on sa imo sa sining mabudlay nga tion?

Ang teksto nga nakabulig gid sa akon amo ang Roma 8:38, 39: “Kay kumbinsido ako nga bisan ang kamatayon ukon ang kabuhi ukon ang mga anghel ukon ang mga panguluhan ukon ang mga butang karon ukon ang mga butang nga maabot ukon ang mga kagamhanan ukon ang kataason ukon ang kadalumon ukon ang iban pa nga tinuga indi makapugong nga mabaton naton ang gugma sang Dios.” Ini nga mga tinaga nagkumbinsi sa akon nga indi gid mag-untat si Jehova sa paghigugma sa akon kag ini nga gugma nagahatag sang daku nga kusog sa akon. Nabal-an niya nga mabudlay ang akon sitwasyon kag nabal-an niya ang akon ginabatyag. Wala na sang nagahatag sa akon sang daku nga kalipay kundi ang akon relasyon kay Jehova.

Pareho kay Pavel, nalipay kita nga mabal-an nga ang aton pagtinguha nga makapabilin sa “banas sang kabuhi” magaresulta sa daku nga kalipay.—Salmo 16:11.

Time Line

Enero 26, 2022

Ginsugdan ang kaso
Enero 28, 2022

Gin-raid ang iya balay. Gin-interogar sia kag ginbutangan sang restriksion ang iya pagbiyahe
Marso 22, 2023

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE