ABRIL 1, 2022
RUSSIA

UPDATE | Ginpangapinan ni Brother Sergey Belousov ang Ngalan sang Dios

I-PLAY

Sang Hunyo 30, 2022, gin-deny sang Tomsk Regional Court ang pag-apelar ni Brother Sergey Belousov. Indi niya kinahanglan nga mapriso sa sini nga tion.

Sang Abril 14, 2022, nagdesisyon ang Severskiy City Court of the Tomsk Region nga guilty si Sergey kag ginsentensiahan sia sang tatlo ka tuig nga suspended prison.

Time Line

Hulyo 14, 2020

Gin-raid sang mga FSB agent ang pito ka balay, pati ang balay ni Sergey. Pila ka bulan antes sini nga pag-raid, may isa ka agent sang gobierno nga nagpakunokuno nga interesado sia sa Biblia kag sekreto nga nagrekord sang mga miting
Marso 25, 2021

Ginsugdan ang kaso batok kay Sergey
Marso 30, 2021

Pormal nga ginpasakaan sing kaso si Sergey base sa mga rekording sang isa ka agent sang gobierno. Gin-akusar si Sergey nga nagapakigbahin sa isa ka relihioso nga hilikuton paagi sa videoconference, pagkanta, kag pagpangamuyo kay Jehova nga Dios

Impormasyon Parte sa Iya

Sergey Belousov

Natawo: 1978 (Esil, Kazakhstan)

Biograpiya: Nagdaku sia sa pamilya sang mga musikero. Nag-obra sia bilang electrician kag site manager sa isa ka petrochemical plant. Sang ulihi, nag-obra sia bilang project developer sa isa ka design firm. Napangasawa niya si Svetlana sang 1999. May isa sila ka bata nga babayi

Nakilala niya ang mga Saksi ni Jehova sang 2001. Natun-an niya sa Biblia nga ang ngalan sang Dios amo si Jehova, kag nakita niya ang sabat sa mga pamangkot nga iya ginapalibugan sang una. Nabawtismuhan sia sang 2002

Ang Iya Ginsiling

Paano ka kag ang imo pamilya gin-atipan sang mga kauturan?

Wala gid kami ginpabay-an sang amon pinalangga nga mga kauturan. Pagkaaga sa tapos kami gin-raid, ginkadtuan nila kami dayon kag ang amon mga paryente para buligan kami. Ginkompiskar ang tanan namon nga gadyet sang gin-raid kami, gani wala kami sing mabasa nga Biblia. Pero gindala sang mga kauturan sa amon ang ila mismo mga gadyet, kag bangod sina may mabasa kami nga Biblia kag mga publikasyon nga base sa Biblia kada adlaw.

Ano ang nakabulig sa imo nga makabatas?

Ginadumdom ko pirme nga bisan ano man ang mangin resulta sang kaso, para kay Jehova nagdaug gid kita. Sa sini nga sitwasyon indi na importante kon bala maayo ang aton abogado, ang pinakaimportante amo ang aton relasyon sa Dios. Wala kami sing nahimo nga sala. Natabuan lang nga ari kita sa sining pinasahi nga tion. Pribilehiyo naton nga mangin bahin sini! . . Ang goal naton amo ang [pagbulig sa] pagbindikar sang pagkasoberano sang Dios. Wala kita naga-attend sa hearing para pamatud-an nga wala kita sing sala, naga-attend kita para pangapinan ang ngalan ni Jehova.

Pareho kay Sergey, ginadayaw naton ang ngalan ni Jehova. Nagasalig man kita nga “bayawon Niya ang kusog sang iya katawhan.”—Salmo 148:13, 14.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE