HUNYO 8, 2022
RUSSIA

UPDATE | Ginsuportahan Sila sang Pareho Nila nga mga Saksi

I-PLAY

Sang Septiembre 5, 2022, nagdesisyon ang Vologodskiy District Court of the Vologda Region nga guilty si Brother Yuriy Baranov kag si Brother Nikolay Stepanov. Si Yuriy ginsentensiahan sing apat ka tuig nga suspended prison. Indi niya kinahanglan nga mapriso sa sini nga tion. Samtang si Nikolay naman ginsentensiahan nga mapriso sing apat ka tuig. Ginsugdan dayon ang iya nga sentensia.

Time Line

Disiembre 19, 2019

Puersa nga ginsulod sang mga pulis ang mga balay sang anom ka pamilya sang mga Saksi ni Jehova sa Vologda. Gin-aresto si Yuriy kag si Nikolay kag ginbutang sila sa temporary detention center
Disiembre 20, 2019

Ginpagua si Yuriy pero gin-house arrest sia gihapon
Disiembre 23, 2019

Ginbutang si Nikolay sa pretrial detention
Marso 16, 2020

Gintapos ang pag-house arrest kay Yuriy pero may mga restriksion sia gihapon amo nga limitado ang iya komunikasyon sa iban nga may labot sa iya kaso kag pati man ang iya paggamit sang telepono kag Internet
Mayo 19, 2020

Ginkuha ang mga restriksion kay Yuriy
Agosto 13, 2020

Ginpagua si Nikolay sa pretrial detention pero gin-house arrest sia gihapon
Septiembre 25, 2020

Gintapos ang pag-house arrest kay Nikolay
Marso 7, 2022

Ginsugdan ang hearing

Impormasyon Parte sa Ila

Yuriy Baranov

Natawo: 1952 (Vologda, Vologda Region)

Biograpiya: Nag-obra sia bilang gas kag electric welder. Nag-retire na sia kag sia ang nagaatipan sa iya 90 anyos nga nanay nga dis-ebol na

Napangasawa niya si Nadezhda sang 1990

Ginapangita nila ang sabat sa madamo nga pamangkot parte sa kabuhi, gani nagtuon sila sa Biblia upod sa mga Saksi ni Jehova. Nabawtismuhan sang 1994

Ang Iya Ginsiling

Ano nga pagpalig-on ang nabaton mo nga nakabulig sa imo nga makabatas?

Pirme ako ginatawgan kag ginapadal-an sang mga kard sang mga kauturan. Nadumduman ko nga ginsilingan ako sang isa ka brother: “Tanan ini may ginsuguran; gani tanan man ini may katapusan.” . . . May guardia pa gani sa detention center nga nagsiling sa akon: “Matapos gid ini tanan, indi ka magkabalaka.” Para sa akon, ang ila ginsiling paagi gid sang aton Amay sa langit nga pabakuron ako. . . . Ini nga mga eksperiensia nagapahanumdom sa akon nga si Jehova ang aton Amay kag nagaulikid gid sa aton.

Nikolay Stepanov

Natawo: 1974 (Vologda)

Biograpiya: Isa sia ka soldado antes sia nangin isa sa mga Saksi ni Jehova. Nagaobra sia bilang interior finisher

Atiesta sia sadto. Ang iya nobya nga si Alla, nagtuon sa Biblia upod sa iya nanay sang 1995. Ginbuligan sia ni Alla nga makumbinsi nga may ara gid sang Dios. Nabawtismuhan sila nga duha sang 1996 kag nagpakasal sila sang 1997. May isa sila ka bata nga lalaki

Ang Iya Ginsiling

Paano ka ginsuportahan sang imo Cristianong mga kauturan sa sining mabudlay nga mga tion?

Sa isa ka hearing, napabakod gid ako sang nakita ko nga puno sang mga kauturan ang korte, halos 50 sila tanan!

Ginapadal-an man ako sang mga kauturan sang mga kard . . . , kag nagapangamuyo sila para sa akon. Napalig-on gid ako sa ginsulat sang isa ka sister: “Dear Brother! Padayon nga mangin maisog kag malig-on. Indi ka gid pagpabay-an ni Jehova sa tanan nga tion. Kami, nga imo mga abyan, nagapangamuyo gid para sa imo, kag wala ka gid namon ginakalipatan. Kon ginatan-aw ka sang aton Amay nagayuhum gid sia kay nakita niya ang imo katutom, kag proud gid sia imo.”

Makapabakod gid sang pagtuo nga makita ang aton mga kauturan nga matutom gihapon bisan pa ginahingabot sila.—1 Tesalonica 3:7.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE