MAYO 25, 2022
RUSSIA

UPDATE | “Indi Gid Ako Dapat Magpadaug sa Kahadlok”

I-PLAY

Sang Mayo 25, 2022, nagdesisyon ang Metallurgichesky District Court of Chelyabinsk nga guilty si Brother Pavel Popov kag ginsentensiahan sia sing anom ka tuig nga suspended prison. Indi niya kinahanglan nga mapriso sa sini nga tion.

Time Line

Marso 26, 2019

Gin-raid sang isa ka grupo sang pulo ka lalaki nga may tabon ang guya kag may dala nga mga machine gun kag maso ang balay ni Pavel
Abril 22, 2021

Ginkasuhan si Pavel
Mayo 18, 2021

Gin-raid sang mga awtoridad sa ikaduha nga tion ang balay ni Pavel. Ang asawa ni Pavel nga si Yelena, kag ang ila 13 anyos nga bata nga babayi gindala para interogahon
Agosto 31, 2021

Gindugang si Pavel sa listahan sang mga terorista kag extremist
Nobiembre 29, 2021

Nagsugod ang hearing

Impormasyon Parte sa Iya

Pavel Popov

Natawo: 1977 (Novokuznetsk, Kemerovo Region)

Biograpiya: Magamo ang ila panimalay gani bata pa sia nakatuon nga magpanigarilyo kag mag-inom sing alkohol. Napatay ang iya tatay sang 15 anyos sia. Nag-obra sia bilang welder

Nangin interesado sia sa Biblia sang natun-an niya ang promisa nga kabuhi nga wala sing katapusan sa Paraiso. Nagtuon sia sa Biblia upod sa mga Saksi ni Jehova sang 1994. Nagdayaw sia kay wala nagasumpakilay ang Biblia kag sibu gid ang katumanan sang mga tagna. Nabawtismuhan sia sang 1995

Napangasawa niya si Yelena sang 2003. May isa sila ka bata nga babayi

Ang Iya Ginsiling

Ano ang nakabulig sa imo para indi ka madaug sang kahadlok?

Nagsiling si Jesus nga kon dalhon kita sa atubangan sang mga awtoridad, gamiton naton ina nga kahigayunan para makapanaksi. (Mateo 10:18) Mahimo indi ina ang pinakamanami ukon kinaandan nga sitwasyon para magpanaksi, pero nakabaton ako sang bulig halin kay Jehova kag sa mga kauturan para mahimo ko ina. Nagkumbinsi ina sa akon nga indi gid ako dapat magpadaug sa kahadlok. . . . Naeksperiensiahan ko nga pagkatapos sang mga kabudlayan, masunod ang mga pagpakamaayo. Kon manikasog gid ako nga isugid sa iban ang ngalan sang Dios kag ang iya Ginharian, madaug ko gid ang kahadlok ukon pagluya sing buot.

Nahibaluan naton nga padayon nga suportahan kag padyaan ni Jehova ang iya matutom nga mga alagad samtang maisog sila nga nagahupot sang ila integridad bisan pa may mga pagtilaw.—2 Samuel 22:19-21.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE