1. Sang Nobiembre 22, 2021, nagdesisyon ang Pervorechenskiy District Court of Vladivostok in the Primorye Territory nga indi guilty si Dmitriy kag gin-acquit sia sa tanan nga kaso nga ginpasaka sa iya. Amo ini ang una nga tion nga ang isa ka korte sa Russia nagdesisyon nga indi guilty ang isa sa mga Saksi ni Jehova nga ginkasuhan base sa Article 282.2(1) sang Russian Criminal Code (parte ini sa pag-organisar sang mga hilikuton sang isa ka extremist nga organisasyon). Kuhaon sang korte ang tanan nga restriksion sa iya mga hilikuton. Ang desisyon sang korte ipatuman sa Disiembre 3, 2021, kon indi mag-apelar ang opisina sang piskal

2. Abril 20, 2021

   Ginbuksan liwat ang iya kaso

3. Disiembre 18, 2020

   Ang kaso ginbalik sa piskal bangod sa kakulang sang ebidensia. Pero may restriksion gihapon sa iya mga hilikuton

4. Oktubre 18, 2019

   Pagkatapos sang 447 ka adlaw, ginpagua si Dmitriy pero ginbutangan sing restriksion ang iya mga hilikuton. Pulo ka beses nga gin-extend sang korte ang iya pagtener sa pretrial detention

5. Hulyo 28, 2018

   Sang alas 7:00 sang aga sang Hulyo 28, 2018, isa ka grupo sang armado nga mga lalaki nga may tabon sa guya ang pilit nga nagsulod sa apartment nga ginateneran nanday Dmitriy kag Yelena. Ari sila diri para atipanon ang 90 anyos nga lola ni Yelena. Dayon si Dmitriy kag Yelena gindala pauli sa ila siudad sa Vladivostok, nga 177 ka kilometro ang kalayuon. Gin-aresto gilayon si Dmitriy kag ginbutang sa pretrial detention

6. Hulyo 27, 2018

   Ginpasakaan sing kaso si Brother Dmitriy Barmakin

7. Oktubre 2017

   Isa ka 30 anyos nga babayi nga nagaobra sa Federal Security Service (FSB) ang nagpakunokuno nga interesado sa Biblia. Pero sekreto niya nga gin-videohan ang iya pagpakig-istorya sa sarisari nga kauturan

Bisan pa posible nga mapriso si Dmitriy kag magabulagay sila liwat ni Yelena, sila nga mag-asawa maayo gid nga halimbawa ‘bangod ang kalipay ni Jehova amo ang ila pamakod.’—Nehemias 8:10.