1. Sang Nobiembre 26, 2021, ginbinagbinag sang Pskov Regional Court ang pag-apelar ni Aleksey. Ginbalik ang kaso sa una nga korte pero lain na nga judge ang mauyat sini. Indi niya kinahanglan nga mapriso sa sini nga tion

2. Septiembre 7, 2021

   Ginsentensiahan sang Porkhovskiy District Court of the Pskov Region si Aleksey sing tatlo ka tuig nga suspended prison

3. Oktubre 29, 2020

   Ginsugdan ang pag-hearing sa kaso ni Aleksey

4. Agosto 28, 2020

   Pormal nga ginpasakaan si Aleksey sing kaso nga “nagapakigbahin sa mga miting” diin ‘ginaistoryahan sang mga tumalambong ang ila pagtuo, ginabasa ang Biblia, ginabinagbinag ang mga teksto sa Biblia, kag ginakanta ang mga ambahanon sang ila relihion’

5. Pebrero 7, 2020

   Gin-interogar si Aleksey sa ikaduha nga tion. Sang gin-interogar sia, ginsugid sa iya nga ginpamatian kag ginrekord sang mga awtoridad ang iya pag-istorya sa telepono sang 2018

6. Enero 31, 2020

   Ginpasakaan sang kaso si Aleksey

7. Mayo 24, 2019

   Nagsulat si Aleksey sa Ombudsman for Human Rights sa Pskov Region para mag-apelar sa desisyon sa iya kaso. Nagsiling si Aleksey nga indi sia kriminal, sa baylo ginahimo lang niya ang iya ginapatihan bangod sa iya pagtuo. Nagsiling ang ombudsman nga may kinamatarong si Aleksey nga patihan kag himuon ang pila ka hilikuton bangod sa iya pagtuo

8. Abril 3, 2019

   Ginhalughog ang balay ni Aleksey, ginkompiskar ang pila niya ka pagkabutang, kag gin-interogar sia sang mga pulis

Nagaugyon gid kita kay Aleksey nga ginabuligan gid pirme ni Jehova ang matutom niya nga alagad para ‘mangin maisog sila kag mabakod.”—Salmo 27:14.