ABRIL 20, 2022
RUSSIA

UPDATE | Padayon nga Nangin Positibo ang Panimuot ni Maksim Zavrazhnov

I-PLAY

Sang Mayo 30, 2022, nagdesisyon ang Moskovskiy District Court of the City of Nizhny Novgorod nga gulity si Brother Maksim Zavrazhnov kag ginsentensiahan sing anom ka tuig nga suspended prison. Indi niya kinahanglan nga mapriso sa sini nga tion.

Time Line

Hunyo 4, 2019

Ginsugdan sang awtoridad ang pag-imbestigar
Hulyo 17, 2019

Ginpasakaan sia sang kaso nga pag-organisar sang extremist nga mga hilikuton. Gin-aresto sia, gin-interogar, kag gin-detain sing isa ka gab-i
Hulyo 18, 2019

Gindumilian sia sa paggamit sang telepono ukon Internet kag indi sia makahalin sa ila balay halin sa alas 9:00 sang gab-i asta sa alas 9:00 sang aga
Pebrero 3, 2020

Ginkuha ang mga restriksion sa iya
Pebrero 26, 2020

Gindumilian sia nga maghalin sa ila lugar
Disiembre 6, 2021

Ginsugdan ang pag-hearing

Impormasyon Parte sa Iya

Maksim Zavrazhnov

Natawo: 1981 (Nizhny Novgorod)

Biograpiya: Naggradweyt sia sa isa ka music shool diin nagtuon sia sa pagpiano. Subong nagaobra sia bilang isa ka construction technician. Napangasawa niya si Nadezhda sang 2008

Nakatuon sia parte sa Biblia sa iya iloy sang bata pa sia. Nabawtismuhan sia bilang isa sa mga Saksi ni Jehova sang 2000

Ang Iya Ginsiling

Ano ang nakabulig sa imo nga mangin positibo bisan pa sa mabudlay nga mga sitwasyon?

Kon ara ako sa kabudlayan, nabatyagan ko nga suod gid si Jehova sa akon. Masiling ko nga mabatyagan ko gid nga ginabuligan niya ako. Sa sina nga mga tion, ang suporta sa akon sang akon Amay nagabulig sa akon nga indi mahadlok sa mga pagtilaw sa palaabuton kag mangin positibo gihapon.

Ano ang natun-an mo parte kay Jehova sa sini nga mga pagtilaw?

Ini nga eksperiensia nagkumbinsi sa akon nga si Jehova aton gid Amay nga mainulikdon, maalwan, maluluy-on, nagakabalaka, kag nagabantay gid sa aton. Dayaw gid ako kay bisan ang indi maayo nga mga sitwasyon magamit ni Jehova para tudluan kita, para buligan kita nga mapauswag ang pila ka kinaiya, kag para mausisa naton ang aton kaugalingon. Nakabulig ini para mangin mas malapit pa gid ako sa iya kag para mabatyagan ko ang kalinong.

Samtang nagapadayon ang paghingabot sa aton palangga nga mga kauturan sa Russia kag sa Crimea, nagabakod man ang aton pagsalig kay Jehova. Nahibal-an naton nga indi gid niya pagpabay-an ang mga matutom sa iya.—Hebreo 13:5.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE