AGOSTO 13, 2021
RUSSIA

UPDATE | Sanday Brother Baranov kag Brother Li Kalmado Lang Gihapon kag Padayon nga Nagasalig kay Jehova

I-PLAY

Sang Hunyo 6, 2022, nagdesisyon ang Vyazemskiy District Court of the Khabarovsk Territory nga guilty si Brother Yegor Baranov kag ginsentensiahan sia sang lima ka tuig nga suspended prison. Indi niya kinahanglan nga mapriso sa sini nga tion. Makapasubo nga si Brother Yen Sen Li napatay antes pa matapos ang hearing sa sini nga kaso.

Time Line

Pebrero 2, 2021

Nagsugod ang pag-hearing sa kaso nanday Yegor kag Yen Sen
Nobiembre 20, 2020

Ginpagua si Yegor sa pretrial detention center sa tapos sang 177 ka adlaw
Agosto 26, 2020

Ginkompiskar sang Central District Court of Khabarovsk ang salakyan ni Yen Sen
Mayo 29, 2020

Ginbutang sa pretrial detention center si Yegor
Mayo 26, 2020

Ginpasakaan sing kaso kriminal sang Khabarovsk Territory sanday Yegor kag Yen Sen

Impormasyon Parte sa Ila

Yegor Baranov

Natawo: 2001 (Olovyannaya, Trans-Baikal Territory)

Biograpiya: May duha sia ka magulang nga lalaki. Napatay ang iya amay sang 2013. Nanamian sia sa mga tinuga sa palibot kag sa mga sapat. Nag-eskwela sia sing forestry antes sia gin-aresto

Ginpadaku sia sang iya iloy nga isa sa mga Saksi ni Jehova. Nagalaum gid sia nga makita niya liwat ang iya amay paagi sa pagkabanhaw. Nabawtismuhan sia bilang isa sa mga Saksi ni Jehova sang 2017. Nanamian sia mag-piano, magsulat sang binalaybay, kag magluto

Ang Iya Ginsiling

Paano nakabulig ang imo naeksperiensiahan para magbakod pa gid ang imo relasyon kay Jehova?

Bangod sa sini nga kaso, narealisar ko nga bisan daw ano man kabudlay sang sitwasyon, nabal-an ni Jehova ang aton mga ginabatyag kag nagapakig-angot sia sa kada isa sa aton. Nakabulig ini sa akon nga mangin malipayon. Narealisar ko man nga kon nagaduhaduha ako, buot silingon kulang pa ang akon pagsalig sa kaalam sang Dios. Kabalo gid sia kon ano ang iya himuon, kag kon kaisa madayaw ka gid sa iya ginahimo kay wala mo gid ini ginapaabot. Sang ara ako sa detention center, natilawan gid ang akon pagsalig sa iya. Pero nakabulig ini sa akon nga mas magsalig pa gid sa iya.

Yen Sen Li

Natawo: 1952 (Nikolaevsk-on-Amur, Khabarovsk Territory)

Biograpiya: Ikatlo sia sa lima ka mag-utod. Isa sia ka electrical engineer. Napangasawa niya si Olga sang 1991. May isa sila ka bata nga lalaki. Sang nabal-an nila ang paglaum nga ginasugid sang Biblia para sa mga tawo, nangin interesado sila sa sini. Nabawtismuhan sia sang 1994. Nanamian sia mag-chess kag maglakatlakat

Ang Iya Ginsiling

Ano ang ginapangabay mo kay Jehova kon magpangamuyo ka sa iya?

Nagpakitluoy ako sa Dios nga buligan niya kami sang akon asawa nga mangin mabakod kag magmag-an ang amon buot. . . . Sa mga tion nga ginainterogar ako, nabatyagan ko nga nangin kalmado ako. Bangod sini mas nagsalig pa gid ako kay Jehova nga indi niya ako pagpabay-an.

Sang gin-atake sa tagipusuon ang akon asawa kag gindala sa ospital, nagpakitluoy ako kay Jehova nga . . . kabay pa nga maatipan sia sing maayo. Ginsabat gid ni Jehova ang akon pangamuyo. Ginbuligan gid niya kami sang akon asawa paagi sa mga kauturan. Wala gid nila kami ginpabay-an. Ginbuligan nila kami sa amon mga kinahanglanon, kag labaw sa tanan ginbuligan nila kami nga padayon nga mangin suod kay Jehova.

Nagapasalamat gid ako sa amon mga abyan kag kay Jehova. Kay paagi sa ila bulig, padayon nga nangin mabakod ang pagtuo sang akon asawa kay Jehova. . . . Ginapalig-on pa gani niya ang iban. Para sa akon pamatuod ini nga wala gid ginapabay-an ni Jehova ang akon asawa.

Ginadayaw gid naton ang aton mga kauturan nga padayon nga nagasalig kay Jehova nga buligan niya sila nga makabatas.—2 Tesalonica 3:3.

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE