Sang Enero 25, 2022, ginsentensiahan sang Trusovskiy District Court of the Astrakhan Region nga mapriso sing anom ka tuig sa penal colony ang 56 anyos nga si Anna. Ginpriso dayon sia.

1. Mayo 28, 2021

   Ginpasakaan sia sing kaso

2. Hunyo 2, 2021

   Gin-raid sang mga awtoridad ang ginaistaran nila sang iya 81 anyos nga nanay. Gin-detain sia

3. Hunyo 3, 2021

   Ginpagua sia sa detention pero gin-house arrest gihapon. Gindumilian sia sang mga awtoridad nga magbiya sa iya puluy-an magluwas lang kon maglakatlakat sia sing isa ka oras kada adlaw halin sa alas 9:00 asta sa alas 10:00 sang aga

4. Hunyo 10, 2021

   Ginlakip sia sa listahan sang mga extremist kag indi na niya makuha ang iya kuarta sa banko

5. Enero 24, 2022

   Sa iya katapusan nga mensahe sa korte, nagsiling sia: “Gintudluan ni Jesus ang iya mga sumulunod sa Mateo 5:44 nga ‘higugmaon ang inyo mga kaaway kag padayon nga ipangamuyo ang mga nagahingabot sa inyo.’ Ngaa? Bangod madamo sang mga halimbawa nga ang mga manughingabot nangin sumilimba ni Jehova.

   “Nagalaum gid ako nga kuntani bisan isa lang sa mga agent sang FSB, imbestigador, security guard, abogado, kag ang iban pa nga nagapamati sa akon kag nakakita sang akon paggawi magabag-o sang ila panimuot sa mga Saksi ni Jehova . . . Tani bisan isa lang ang gusto magbasa sang Biblia, magpangita sang sabat sa iya mga pamangkot, maghandum nga makilala ang Dios, ukon mangin alagad pa gani niya.”

6. Enero 25, 2022

   Ginpamatbatan sia nga guilty kag ginsentensiahan nga mapriso sing anom ka tuig

Napalig-on gid kita sang mga halimbawa sang pagtuo sang aton mga kauturan sa Russia kag Crimea samtang nagasalig kita sa aton Amay sa langit nga hatagan niya kita sing kusog nga makabatas.—2 Tesalonica 1:4.