MAYO 9, 2024
RUSSIA

“Wala Ako Nagapokus sa Akon mga Problema”

I-PLAY

Sa indi madugay, ipahibalo sang Lesosibirsk City Court of the Krasnoyarsk Territory ang desisyon sini sa kaso ni Brother Andrey Shiyan. Wala pa sing ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Andrey Shiyan

Natawo: 1969 (Lesosibirsk, Krasnoyarsk Territory)

Biograpiya: Nag-obra sia bilang customs specialist

Napangasawa niya si Inna sang 1992. May isa sila ka bata nga babayi

Si Inna, ang nanay ni Inna, kag ang manghod ni Inna nga lalaki amo ang una nga nagpa-Bible study sa mga Saksi ni Jehova. Nag-attend si Andrey sa isa ka miting kag nanamian sia sa maathag nga panudlo sang Biblia

Nabawtismuhan si Inna sang 2001, kag nabawtismuhan si Andrey sang 2002

Ang Iya Ginsiling

Ano ang nakabulig sa imo nga indi mabalaka?

Naeksperiensiahan ko ang ginsiling sa Roma 15:13: “Kabay pa nga ang Dios nga nagahatag sing paglaum maghatag sa inyo sing kalipay kag paghidait bangod sang inyo pagtuo sa iya, agod mapabakod pa ang inyo paglaum paagi sa gahom sang balaan nga espiritu.” Ang pagpamalandong sa akon paglaum amo ang nakabulig sa akon nga makabatas. Kon nahadlok ako ukon nagapangduhaduha, ginaimadyin ko nga ara ako sa bag-o nga kalibutan. Kon pirme ko ginaimadyin nga ara ako didto, nagakadula ang akon kabalaka sa mga nagakatabo. Nagahatag ini sa akon sang kusog gani wala ako nagapokus sa akon mga problema kundi sa padya nga mabaton naton tanan sa palaabuton.

Pareho kay Andrey, kabay nga mapaumpawan man kita kag mapabakod sa mga promisa ni Jehova samtang ‘nagalaum kita sa iya pulong.’—Salmo 119:114.

Time Line

Nobiembre 25, 2021

Gin-raid ang balay ni Andrey
Abril 11, 2023

Gin-raid liwat ang iya balay. Ginsugdan ang kaso. Kag ginbutangan sing restriksion ang iya pagbiyahe
Disiembre 29, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE