ENERO 1, 2024
RUSSIA

‘Wala Gid Ako Ginbiyaan ni Jehova’

I-PLAY

Sa indi madugay, ipahibalo sang Kurgan City Court of the Kurgan Region ang desisyon sini sa kaso ni Brother Anatoliy Isakov. Wala pa sang ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Anatoliy Isakov

Natawo: 1964 (Kurgan)

Biograpiya: Nag-obra sia bilang foreman sa isa ka vehicle manufacturing plant

Napangasawa niya si Tatyana sang 1988. May duha sila ka bata, lalaki kag babayi. Napatay ang ila bata nga lalaki

Sang nagpa-Bible study sia upod sa mga Saksi ni Jehova, nangin kumbinsido sia nga may ara sang Manunuga. Nabawtismuhan sia sang 1993

Na-diagnose sia nga may kanser sa dugo. Nagaantos man sia sa madamo kag magagmay nga fracture sa iya spine kag ribs

Ang Iya Ginsiling

Ano ang epekto sang imo kaso kag kabudlayan sa panglawas sa imo pagtuo?

Nangin matuod gid para sa akon ang ginasiling sa Santiago 1:2, 3: “Mga kauturan ko, magkalipay kamo kon nagaatubang kamo sang nanuhaytuhay nga pagtilaw, kay nakahibalo kamo nga ang inyo pagtuo nga natilawan sa sini nga paagi nagaresulta sang pagbatas.” Ang “nanuhaytuhay nga pagtilaw” nga naatubang ko nagtesting gid sang akon pagtuo. Pero maayo gid ang nangin resulta. Mas nagbakod ang akon pagtuo kag mas nangin suod ako kay Jehova. Nagapasalamat ako kay ginpakitaan ako ni Jehova sang daku nga gugma kag wala gid niya ako ginbiyaan.

Nagapasalamat gid kita sa determinasyon kag pagtuo ni Anatoliy bisan pa sang iya madamo nga kabudlayan. Kag nalipay kita nga mabal-an nga bisan ano man nga sitwasyon ang aton maatubang, si Jehova ‘ang igang sang aton tagipusuon.’—Salmo 73:26.

Time Line

Hulyo 13, 2021

Ginsugdan ang kaso
Hulyo 14, 2021

Gin-raid ang iya balay. Ginbutang sia sa temporary detention center
Hulyo 15, 2021

Ginsaylo sia sa pretrial detention center
Hulyo 21, 2021

Naghimo sang appeal para sa Department of Health of the Kurgan Region para makagua si Anatoliy kag mapadayon ang iya chemotherapy
Agosto 28, 2021

Pagkatapos nangabay ang European Court of Human Rights, ginpagua sia sa pretrial detention center. Ginbutangan gihapon sang restriksion ang iya pagbiyahe
Hulyo 6, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE