ABRIL 27, 2023
RUSSIA

“Wala Gid Kami Ginkulang”

I-PLAY

Sa indi madugay, ipahibalo sang Maiminskiy District Court of the Republic of Altai ang desisyon sini sa kaso ni Brother Sergey Petrenko. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Sergey Petrenko

Natawo: 1979 (Ulan-Ude, Republic of Buryatia)

Biograpiya: Nag-obra sia bilang welder kag sa building maintenance

Sia kag ang iya pamilya nag-Bible study upod sa mga Saksi ni Jehova. Nalipay gid sia sang natun-an niya ang paglaum nga may pagkabanhaw. Nabawtismuhan sia sang 1996

Napangasawa niya si Uliana sang 2013

Ang Iya Ginsiling

Paano ka ginbuligan ni Jehova kag ang imo pamilya?

Pila ka bulan pagkatapos nasugdan ang kaso kontra sa akon, indi na gusto sang akon mga employer nga mag-obra pa ako sa ila kag ginhambalan nila ako nga mag-resign na lang. Bangod sini, mas ginbudlayan pa gid ako sa pagsagod sa akon pamilya. Pero, nakabulig ini para mas magsalig pa gid ako kay Jehova kag pamensaron kon paano niya ako ginabuligan. Halimbawa, daku gid ang nabulig sang mga kauturan sa amon. Ginapangamuyo nila kami, nagakadto sila sa akon hearing sa korte, kag ginabuligan nila kami sa amon materyal nga kinahanglanon. Umpisa sang ginkasuhan ako, wala gid kami ginkulang.

Pareho kay Sergey, kabalo kita nga si Jehova padayon nga magabulig sa aton samtang nagabatas kita sing matutom.—2 Samuel 22:19, 20.

Time Line

Enero 16, 2022

Gin-raid ang iya balay
Hulyo 28, 2022

Ginsugdan ang kaso
Disiembre 7, 2022

Ginbutangan sing restriksion ang iya pagbiyahe
Disiembre 22, 2022

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE