ABRIL 28, 2023
RUSSIA

“Wala sing . . . Bisan Ano nga Makadula sang Akon Kalipay”

I-PLAY

Sa indi madugay, ipahibalo sang Kovrovskiy City Court of the Vladimir Region ang desisyon sini sa kaso ni Brother Roman Adestov. Wala pa sing may ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Roman Adestov

Natawo: 1976 (Kovrov)

Biograpiya: Napatay ang iya tatay sang 13 anyos si Roman. Nagaobra sia bilang gas kag electric welder

Napangasawa niya si Alina sang 1999. May isa sila ka bata nga babayi

Nakumbinsi sia nga may gahom gid ang Pulong sang Dios sang ginsunod niya ang prinsipio sini kag nakita niya nga nangin mas maayo ang iya kabuhi. Nabawtismuhan si Alina bilang isa sa mga Saksi ni Jehova sang 2005 kag si Roman sang 2006

Ang Iya Ginsiling

Paano ka nabuligan sang imo mga kauturan?

Kanami gid mabal-an nga may mga kauturan ako sa bilog nga kalibutan nga pareho sa akon nagapalangga man kay Jehova! Kag kanami man mabal-an nga madamo nga mga kauturan ang nagapangamuyo para sa akon. Nakabulig ini sa akon nga padayon nga mag-alagad kay Jehova kag maglakat sa dalan sang kabuhi pakadto sa bag-o nga kalibutan. Ginasunod man namon nga mag-asawa ang ginsiling sang isa ka brother. Nagsiling sia nga dapat indi gid kami mag-untat sa pagbulig sa iban, kay kon indi namon ini paghimuon, maluoy kami sa amon kaugalingon. Gani ginatinguhaan gid namon nga maghatag sa iban, kag nakabulig gid ini sa amon nga indi mabalaka sing sobra sa amon mga problema. Nagapasalamat gid ako nga gintugutan ako ni Jehova nga mangin bahin sang iya daku nga pamilya.

Ano ang nakabulig sa imo nga padayon nga mangin positibo bisan pa wala ka kabalo kon ano ang matabo sa imo sitwasyon?

Wala gid man kita kabalo kon ano ang matabo buas, kag indi ko mahandaan ang tanan nga posible matabo sa akon. Pero, sigurado ako nga nalipay si Jehova sa akon kag ginabuligan niya ako nga batuan ining malain nga kalibutan kag padayon nga mangin matutom sa iya. Kag kon handa ako pirme nga himuon ang tanan para sa akon mapinalanggaon nga Dios nga si Jehova, wala sing bisan sin-o ukon bisan ano nga makadula sang akon kalipay.

Nagasalig kita nga si Jehova, ang “Igang sa wala sing katubtuban,” padayon nga ‘magaamlig sa mga nagasalig sa iya sing bug-os’ kag ‘hatagan niya sila sing dayon nga paghidait.’—Isaias 26:3, 4.

Time Line

Hunyo 28, 2021

Ginsugdan ang kaso
Hulyo 8, 2021

Gin-raid ang iya balay. Gin-aresto sia
Hulyo 9, 2021

Ginbutang sia sa pretrial detention
Nobiembre 25, 2021

Ginpagua sia sa pretrial detention pero gin-house arrest gihapon
Hunyo 21, 2022

Gintapos ang pag-house arrest sa iya pero ginbutangan sing restriksion ang iya pagbiyahe
Septiembre 26, 2022

Ginsugdan ang hearing

Tan-awa Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE