DISIEMBRE 6, 2023
RUSSIA

“Wala sing Kabudlayan nga Makadula sang Aton Pagtuo kay Jehova”

I-PLAY

Sa indi madugay, ipahibalo sang Kaltanskiy District Court of the Kemerovo Region ang desisyon sini sa kaso ni Brother Aleksandr Tsikunov. Wala pa sing ginsiling ang piskal kon ano nga sentensia ang gusto niya sa sini nga kaso.

Impormasyon Parte sa Iya

Aleksandr Tsikunov

Natawo: 1967 (Kaltan)

Biograpiya: Nag-obra sia bilang civil engineer

Napangasawa niya si Yelena sang 1989

Isa sia ka atheist sang una. Nabal-an niya ang parte sa Biblia sa upod niya sa obra nga isa ka Saksi ni Jehova. Nabasa ni Aleksandr ang bilog nga Biblia sa sulod sang anom ka bulan antes sia nagbaton sang Bible study. Nabawtismuhan sia sang 1997. Ginsugid niya ang kamatuoran sa iya nanay, sa iya magulang nga babayi, kag sa iya asawa, nga nangin mga Saksi ni Jehova man.

Ang Iya Ginsiling

Ano nga rekord sa Biblia ang nakabulig gid sa imo sa sining mabudlay nga tion?

Napalig-on gid ako sa halimbawa ni manalagna Daniel. Ang Daniel 6:4, 5 nagasiling: “Sugod sadto ang mataas nga mga opisyal kag ang mga satrapa pirme nagapangita sing masumbong batok kay Daniel tuhoy sa iya pagdumala sa ginharian, apang wala gid sila sing makita nga masumbong batok sa iya, kay masaligan sia kag wala nagapabaya kag wala gid sia nagahimo sing malain nga butang. Nagsiling ini nga mga lalaki: ‘Wala gid kita sing makita nga masumbong batok kay Daniel, luwas lang kon mangita kita sing butang batok sa iya may kaangtanan sa kasuguan sang iya Dios.’” Wala gid sila sing makita nga rason para akusahan si Daniel gani naghimuhimo sila sang akusasyon base sa iya katutom kag pagsimba sa Dios. Ginpanilagan nila sia para may isumbong sila kontra sa iya. Pero padayon niya nga ginsimba si Jehova pareho sa pirme niya ginahimo. Isa si Daniel sa madamo nga alagad sang Dios nga nagpamatuod nga wala sing kabudlayan nga makadula sang aton pagtuo kay Jehova. Ini nga halimbawa nagpalig-on sa akon nga magpabilin nga aktibo asta sa masarangan ko sa akon pagsimba kay Jehova.

Nagapasalamat gid kita sa madamo nga halimbawa sang katutom nga nagapahanumdom sa aton nga wala sing bisan sin-o nga nagatuo kay Jehova kag sa iya Anak, nga si Jesucristo, ang mapaslawan.—Roma 10:11.

Time Line

Abril 27, 2021

Ginsugdan ang kaso
Mayo 2, 2021

Gin-raid ang ila balay. Ginpriso sia kag ginbutang sa pretrial detention
Mayo 4, 2021

Ginpagua sa pretrial detention pero gin-house arrest gihapon
Hunyo 24, 2021

Wala na sia gin-house arrest pero ginbutangan sang restriksion ang iya pagbiyahe
Hulyo 25, 2023

Ginsugdan ang hearing

Basi Manamian Ka Man

NEWS RELEASE

Ara sa Prisuhan Bangod sa Ila Pagtuo—Russia

Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.

NEWS RELEASE