Ang Supreme Court sang Russia nag-recess anay sa ila hearing sini nga adlaw pagkatapos nga mabinagbinag ang mga motion kag mga argumento sa kaso para dumilian ang mga Saksi ni Jehova. Sa kaso nga ginpasaka sang Ministry of Justice, gusto sini “ideklarar ang relihioso nga organisasyon, ang Administrative Center sang mga Saksi ni Jehova, nga batok sa gobierno, dumilian ang ila hilikuton, kag ipasira ini.” Magapadayon ang hearing sa Abril 6, 2017, sa alas dos sang hapon.

Si Mark Sanderson, nga miembro sang Nagadumala nga Hubon sang mga Saksi ni Jehova nga nagtambong sa hearing, nagsiling: “Makapasubo gid nga gin-dismiss ukon gin-deny sang Supreme Court ang kalabanan nga motion nga gin-file sang Administrative Center. Presente sa sini nga hearing ang mga representante sang madamo nga embahada kag mga organisasyon sang tawhanon nga kinamatarong. Gani nagabantay ang bilog nga kalibutan.”