Sa Abril 5, 2017, ginapaabot nga ang Supreme Court sang Russian Federation magadesisyon nga dumilian ang hilikuton kag ipasira ang tanan nga legal nga korporasyon nga ginagamit sang mga Saksi ni Jehova sa Russia. Kon ang korte magdesisyon batok sa mga Saksi, mangin ilegal ang ila pagsimba. Ang pila ka eksperto sa tawhanon nga kinamatarong sa Russia kag sa iban nga pungsod nagkomento parte sa indi makatarunganon nga paghingabot sang mga awtoridad sang Russia sa mga Saksi ni Jehova kag sa mangin epekto sang pagdumili indi lang sa mga Saksi kundi pati na sa reputasyon sang Russia sa bilog kalibutan kag sa kahilwayan sa relihion sang mga pumuluyo sini.

• Heiner Bielefeldt: “Kon ang mga Saksi ni Jehova batok sa gobierno, buot silingon tanan kita amo man”

  Former UN Special Rapporteur on Freedom of Religion or Belief

• Dr.Massimo Introvigne: “Ang kaangtanan lang gid sang mga Saksi ni Jehova sa kapintas ukon kasingki amo nga sila ang biktima sang kasingki”

  Sociologist and Former Representative of the OSCE on Combating Racism, Xenophobia, Discrimination

• Annika Hvithamar: ‘Kon ang mga Saksi ni Jehova batok sa gobierno, dapat ang kalabanan nga Cristiano kasuhan man nga batok sa gobierno’

  Associate Professor/Head of Studies, Department of Cross-Cultural and Regional Studies, University of Copenhagen

• Lyudmila Alekseyeva: “Indi lamang ini sala—para sa akon, isa gid ini ka krimen”

  Chairwoman of the Moscow Helsinki Group, Member of the Russian Presidential Council for Civil Society and Human Rights

• Anatoly Vasilyevich Pchelintsev: “Pangapinan naton ang mga Saksi ni Jehova!”

  Editor in Chief of the Journal Religion and Law

• Vladimir Vasilyevich Ryakhovskiy: “Ang mga Saksi ni Jehova pirme ang ginauna dayon ginasunod man ang tanan”

  Member of the Presidential Council for Civil Society and Human Rights

• Maksim Shevchenko: “Ini nga panumbungon batok gid sa mga prinsipio parte sa kahilwayan sang konsiensia”

  President of the Center for Strategic Study of Religions and Political Figures